Կիմ Չեն Ընը ծանր հիվանդ լինելու մասին խոսակցություններից ի վեր առաջին անգամ հանրությանն է ներկայացել (լուսանկարներ, տեսանյութ)

Հյուսիսային Կորեայի ղեկավար Կիմ Չեն Ընը ծանր հիվանդ և նույնիսկ մահամերձ լինելու մասին շրջանառվող լուրերից հետո առաջին անգամ հանրությանն է ներկայացել: Նա մասնակցել է Աշխատավորական կուսակցության քաղբյուրոյի նիստին:

Ինչպես նկատում է Daily Mail-ը, հյուսիսկորեացի առաջնորդն իր ավանդական «գորշ ու միապաղաղ» համազգեստն այս անգամ փոխարինել է ամառային տարբերակով և ոտքից գլուխ ճերմակ հագած ներկայացել:

Աղբյուրը հիշեցնում է, որ Կիմ Չեն Ընը շաբաթներ շարունակ անհետացել էր պետական լրատվամիջոցներից, ինչը նրա որպիսության մասին անհանգստության լուրջ հիմքեր էր տվել:

Հարավկորեական և ամերիկյան մի շարք պարբերականներ գրել էին, որ Կիմ Չեն Ընը լուրջ վիրահատության է ենթարկվել և գտնվում է մահամերձ վիճակում: Սակայն դատելով նոր հրապարակված կադրերից՝ հյուսիսկորեացի առաջնորդը ողջ-առողջ է:

Այս թեմայով «ԿԺԴՀ-ի առաջնորդը կոմայի մեջ է․ երկրի ղեկն իր ձեռքն է վերցրել նրա կրտսեր քույրը»․ նախկին հարավկորեացի պաշտոնյա Հյուսիսկորեական լրատվամիջոցը հրապարակել է Կիմ Չեն Ընի՝ ապրիլի 27-ին գրված նամակն՝ ուղղված ՀԱՀ նախագահին