«Բոլորին բանտախուց տանել». Լուկաշենկոն կարգադրել է «կաշառակերներ» տեղափոխող ինքնաթիռին փոխել ուղղությունը և վայրէջք կատարել այլ քաղաքում (տեսանյութ)

Բելառուսի նախագահ Ալեքսանդր Լուկաշենկոն առաջին անգամ մեկնաբանել է երկրի շաքարի գործարանների տնօրենների ձերբակալությունը, հայտնում է БЕЛТА պետական գործակալությունը:

Հունվարի 24-ին «Բելավիա» ավիաընկերության ինքնաթիռը Մինսկից Մյունխեն կանոնավոր չվերթ է իրականացրել, սակայն ճանապարհին օդանավը փոխել է ուղղությունն ու վայրէջք կատարել բելառուսական Գրոդնո սահմանամերձ քաղաքում:

Դրանից հետո, ուղևորների խոսքով, համազգեստով մարդիկ են մտել ինքնաթիռ, մի շարք ազգանուններ են կարդացել և սրահից որոշ մարդկանց դուրս բերել: Օդանավի հրամանատարը կատարվածն «անսարքություններով» է բացատրել:

Փետրվարի 4-ին Լուկաշենկոն լրագրողների հետ զրույցում ասել է, որ ինքն է օդանավը թեքելու հրաման տվել, քանի որ դրանում կոռուպցիոներներ են եղել, որոնք կարող էին Եվրոպա փախչել:

«Այնտեղ նաև ուսադիրներով մարդիկ են եղել: Ասացի, որ բոլորին անխտիր բանտախուց տանեն: Բոլորին: Ասացի, որ փոխեն ինքնաթիռի ուղղությունը, վայրէջք կատարեն և դուրս հանեն նրանց: Փոխեցին օդանավի ուղղությունը, դուրս հանեցին նրանց և ուղարկեցին քննչական մեկուսարան: Այս գործին դաժան վերաբերմունք է տրվելու»,- պատմել է պետության ղեկավարը:

Այս թեմայով Լուկաշենկոն զգուշացրել է Հայաստանին «չհետևել Ուկրաինայի օրինակին» Լուկաշենկոն խոսել է նախագահի պաշտոնից հեռանալու մասին Լուկաշենկոն դիմել է Փաշինյանին. Նիկոլ Վովաևիչ, եթե պետք լինի, դիմեք Լուկաշենկոն մեկնաբանել է ԵԱՏՄ գագաթնաժողովին Փաշինյանի բացակայությունը Լուկաշենկո. Բելառուսն ու Ռուսաստանը պատրաստ են առաջիկա համատեղ զորավարժություններին