Պուտին. Լեռնային Ղարաբաղի հայերը ժամանակին զենք են վերցրել` իրենց կյանքը եւ արժանապատվությունը պաշտպանելու համար
Իրավիճակն, իմ կարծիքով, ավելի բարդ է, քան պարզապես նորմատիվային պոստուլատները, այդ թվում` դեռ Սումգայիթում սկսված, ապա Լեռնային Ղարաբաղում տարածված էթնիկ հակամարտության միջազգային իրավական արմատները: Այս մասին դեկտեմբերի 17-ին ամենամյա մամուլի ասուլիսին հայտարարել է ՌԴ նախագահ Վլադիմիր Պուտինը:
«Այստեղ յուրաքանչյուրն ունի իր ճշմարտությունը, եւ Լեռնային Ղարաբաղի հայերը ժամանակին զենք են վերցրել` իրենց կյանքն եւ արժանապատվությունը պաշտպանելու համար, եւ ստեղծվեց այն իրավիճակը, որը եղավ այս տարի հակամարտության սրման պահին»,- ասել է նա:
ՌԴ նախագահը մեկնաբանել է նաեւ Լեռնային Ղարաբաղի վերաբերյալ եռակողմ հայտարարության այն կետերից մեկը, ըստ որի կողմերը պետք է կանգ առնեն իրենց դիրքերում:
«Բայց մենք պայմանավորվել ենք, ինչպես լավ հայտնի է, եռակողմ հայտարարության շրջանակներում այն մասին, որ մարտական գործողություններն ավարտվում են, եւ այստեղ շատ կարեւոր է, որ կողմերը կանգ առնեն այն դիրքերում, որտեղ նրանք եղել են մեր եռակողմ հայտարարության ստորագրման պահին: Հենց այնտեղ էլ բոլորը պետք է կանգ առնեն: Այս կապակցությամբ ենթակառուցվածքների հետ կապված կան բազմաթիվ տեխնիկական հարցեր կան»,- ասել է նա:
«Բայց հաշվի առնելով, որ զինված ուժերը կանգնել են այնտեղ, որտեղ նրանք կանգնած էին ստորագրման պահին, ենթակառուցվածքային որոշակի դժվարություններ առաջացան ինչպես ադրբեջանական, այնպես էլ հայկական կողմի համար: Բայց դա պետք է հանգիստ պարզել` բանակցային գործընթացի ընթացքում, քանի որ այս եռակողմ հայտարարությունը տալիս է դրա բոլոր հիմքերը եւ բոլոր հնարավորությունները: Քանի որ այնտեղ նշվում է, որ զինադադարի հասնելուց հետո հաջորդ փուլը պետք է լինի տարածաշրջանում հարաբերությունների լիակատար կարգավորումը` տնտեսական եւ ենթակառուցվածքային ներուժի բացահայտմամբ: Սա վերաբերում է նաեւ ճանապարհային եւ երկաթուղային հաղորդակցություններին եւ այլն: Սա վերաբերում է նաեւ Նախիջեւանին, սա վերաբերում է նաեւ հաղորդակցությանը Հայաստանի հարավի եւ հյուսիսի միջեւ»,- հավելել է Վլադիմիր Պուտինը:
Հուլիսը եղել է BYD-ի ամենահաջող ամիսը
Վահագն Ալեքսանյանն ընտրվեց Ազգային ժողովի նախագահի տեղակալ
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
Սաակաշվիլիի կուսակցությունը վերափոխման է ենթարկվում
Որքան է կազմում ՀՀ մշտական բնակչությունը
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
Վարչապետ Փաշինյանը երկօրյա աշխատանքային այցով մեկնել է Ղրղզստան
Չուամենին և Կամավինգան գերադասում են մնալ Մադրիդում