ԵԱՀԿ-ում ԱՄՆ մշտական ներկայացուցիչ․ Համանախագահները պետք է լինեն թափանցիկ և ակտիվ
Հուլիսի 16-ին Վիեննայում տեղի ունեցած ԵԱՀԿ Մշտական խորհրդի նիստում հայ-ադրբեջանական միջազգային սահմանի երկայնքով զինված միջադեպի կապակցությամբ հայտարարությամբ է հանդես եկել ԵԱՀԿ-ում ԱՄՆ մշտական ներկայացուցիչ Ջեյմս Գիլմորը։
Գիլմորը ուշադրություն է հրավիրել հայ-ադրբեջանական սահմանին խնդրի վրա՝ նշելով, որ ԵԱՀԿ Մինսկի խմբի համանախագահները հայտարարություններ են տարածել՝ կոչ անելով երկու կողմերին ջանքեր գործադրել էսկալացիայի նվազեցման ուղղությամբ, զերծ մնալ բորբոքող հռետորաբանությունից և իրավիճակը տեղում փոխելու ցանկացած փորձից:
«Ես ուզում էի, որպեսզի այսօր հավաքված բոլոր երկրները տեղյակ լինեն այս մամուլի հաղորդագրության բովանդակության մասին: Այժմ ես, խոսելով իմ անձնական տեսանկյունից, հայտարարում եմ՝ կարևոր է, որ համանախագահները լինեն թափանցիկ և ակտիվ և գտնվեն այնպիսի դիրքում, որպեսզի օգնեն կողմերին միջնորդությամբ։
Անցած երկու օրվա ընթացքում ինչպես պետքարտուղար Մայք Պոմպեոն, այնպես էլ ԱՄՆ Պետդեպարտամենտի խոսնակը հանդես եկան հայտարարություններով, որոնցում ԱՄՆ-ը խստագույնս դատապարտում էր սահմանի երկայնքով բռնությունները և կողմերին հորդորում անհապաղ դադարեցնել ուժի օգտագործումը և խստորեն պահպանել հրադադարը: Միացյալ Նահանգները պատրաստակամ է օգնելու կողմերին ղարաբաղյան հակամարտության տևական խաղաղ կարգավորմանը հասնելու համար, և մենք կլինենք ակտիվ այդ նպատակին հասնելու ջանքերում»,- ասել է ԱՄՆ մշտական ներկայացուցիչը:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...