Ռուսաստանը կանի հնարավորը` հայ-ադրբեջանական սահմանին լարվածության սրացումը կանխելու համար․ Մատվիենկո
Ռուսաստանը կոչ է անում Բաքվին և Երևանին լուծել տարաձայնությունները բանակցությունների միջոցով։ Այս մասին լրագրողների հետ զրույցում ասել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն։
«Ես, որպես ԱՊՀ միջխորհրդարանական վեհաժողովի նախագահ, դիմումներ եմ ստացել Հայաստանի և Ադրբեջանի խորհրդարանի նախագահների կողմից», - ասել է ՌԴ Դաշնության խորհրդի նախագահը։
Նրա խոսքով՝ Ռուսաստանը անհանգստացած է ստեղծված իրավիճակով, քանի որ ինչպես Հայաստանը, այնպես էլ Ադրբեջանը բարեկամ, գործընկեր երկրներ են:
«Այժմ գլխավորը ոչ թե պատասխանատուներին փնտրելն է, այլ` ռազմական ցանկացած գործողություն անհապաղ դադարեցնելը», - ասել է նա:
Մատվիենկոն նշել է, որ ձեռնարկվում են բոլոր միջոցները` դիվանագիտական ուղով էսկալացիայի ռիսկերը նվազեցնելու ուղղությամբ, Ռուսաստանը ջանքեր է գործադրում ՝ որպես ԵԱՀԿ Մինսկի խմբի համանախագահող երկիր։ Բացի այդ, ջանքեր են գործադրվում խորհրդարանական մակարդակով։
«Մենք շատ տագնապած ենք և անհանգստացած ենք այս իրավիճակից: Կանենք ամենը, որպեսզի կագնեցնենք լարվածության սրացումը և ռազմական գործողությունները», - ընդգծել է Մատվիենկոն:
Ըստ ՌԴ Դաշնության խորհրդի նախագահի՝ ռուսական կողմի դիրքորոշումը պետք է լինի բանակցային գործընթացը, որի ընթացքում պետք է գտնվեն փոխադարձաբար ընդունելի լուծումներ:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...