Բազեի եգիպտական մումիան, պարզվել է, մեռելածին երեխա է
Փոքրիկ եգիպտական սարկոֆագը՝ բազեի գլխի պատկերով, որը պահվում է բրիտանական թանգարաններից մեկում, իր մեջ մեռելածին երեխայի մումիացված աճյուն է թաքցրել։ Այդ փաստը հայտնաբերելուն օգնել է բարձր թողունակությամբ համակարգչային տոմոգրաֆիան, հայտնում է Planet- today-ը։
Խոսքը «Մումիացված Բազե EA 493» անվանումով մումիայի մասին է, որը եղել է Անգլիայում Մեյդսթոնի թանգարանի ցուցանմուշներից մեկը։ Փոքր սարկոֆագը հաստատում էր մումիացված թռչնի մասին ենթադրությունները, այդ պատճառով գիտնականները երկար ժամանակ չէին էլ մտածում ստուգել, թե ինչ է իրականում թաքցնում սարկոֆագը։
Տոմոգրաֆիան ցույց է տվել, որ սարկոֆագի մեջ գտնվում են արական սեռի երեխայի ոսկորներ, երեխան վաղաժամ է ծնվել, մոտավորապես հղիության 22-28 շաբաթների միջեւ։ Նա, հավանաբար, մահացած է ծնվել եւ զարգացման՝ մասնավորապես գանգի ու ողնաշարի լուրջ դեֆեկտներ է ունեցել։
«Նա մեռելածին է եղել: Պտուղը ճիշտ չի զարգացել՝ գանգի վերին մասը չի ձեւավորվել, ողերը չեն փակվել, իսկ երեխայի ականջները գլխի հետեւի մասում են եղել: Գանգի դեֆորմացիան այնքան լուրջ է եղել, որ գրեթե ուղեղ չի ունեցել: Բացի այդ, երեխայի մոտ հայտնաբերվել է գայլային երախ եւ նապաստակի շրթունք: Այն փաստը, որ երեխային թաղել են բազեի պատկերով սարկոֆագի մեջ, վկայում է, որ նրան շատ յուրահատուկ են համարել»,- ասում են հնագետները:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...