10 տարվա ընդմիջումից հետո գյուղում, որտեղ միայն աղջիկներ են ծնվել, վերջապես տղա է հայտնվել
Լեհաստանի հարավում փոքրիկ Մեյսցե Օջանսկե գյուղը, որտեղ ընդամենը 300 մարդ է ապրում, իր հանդեպ համընդհանուր ուշադրություն էր գրավել, երբ հրշեջների մրցույթին աղջիկների խումբ էր ուղարկել, թեեւ այդ միջոցառմանը սովորաբար տղաներ են մասնակցում։ Պարզվել է, որ վերջին 10 տարիներին Մեյսցե Օջանսկեում 13 աղջիկ է ծնվել եւ ոչ մի տղա, հայտնում է Nat-geo-ն։
Բնակավայրի ղեկավար Ռայմունդ Ֆրիշկոն նույնիսկ պարգեւ էր խոստացել այն զույգին, որը տղա կունենա։ Տասը ամիս անց դա, վերջապես, տեղի է ունեցել։
Տղան, որի անունը Բարտեկ է, մայիսի 2-ին ծնվել է Աննա եւ Գժեգոժա Միլեկների ընտանիքում։ Երեխայի մոր խոսքերով՝ նրա ծնունդը կրկնակի հրաշք է եղել, քանի որ ինքը ծննդաբերության ժամանակ հազիվ է մահից փրկվել, եւ վիրահատության կարիք է առաջացել։
Աննային ու Գժեգոժային արդեն տեղի հերոսներ են անվանում, իսկ Ֆրիշկոն հայտարարել է, որ խոստացված պարգեւը կհասնի ծնողներին, միայն թե նրանք պետք է սպասեն համավարակը վերջանա։ Նա նշել է, որ ծնողները խուսափում են ԶԼՄ-ների ուշադրությունից։
Ֆրիշկոն ասել է, թե աղջիկների ծնվելու հանգամանքը արժանացել է գիտնականների ուշադրությանը, որոնք առաջարկել են հազվագյուտ երեւույթի ուսումնասիրություն կատարել։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...