ԱՀԿ-ն կարծում է, որ Աֆրիկայի երկրները պետք է աստիճանաբար դուրս գան սահմանափակման միջոցներից
Աֆրիկայի երկրները չպետք է շտապեն կորոնավիրուսի համավարակի հետ կապված սահմանափակման միջոցների չեղարկման հարցում։ Այսպիսի դիրքորոշում են արտահայտել Առողջապահության համաշխարհային կազմակերպության ներկայացուցիչները, հայտնում է ՏԱՍՍ-ը։
«Ազգային եւ տարածաշրջանային սահմանափակումները օգնեցին դանդաղեցնել կորոնավիրուսի տարածումը, սակայն այն շարունակում է վտանգ ներկայացնել հանրության համար։ Եթե աֆրիկյան երկրների կառավարությունները ավելորդ արագությամբ հանեն սահմանափակման միջոցները, ապա մենք վտանգում ենք կորցնել բոլոր օգուտները, որ նրանցից ստացել ենք»,- հայտարարել է Աֆրիկայի հարցերով ԱՀԿ տնօրեն Մատշիդիսո Մոետին։
Մոետին նշել է, որ Աֆրիկայում կորոնավիրուսով վարակվածների թվի պայթյունային աճ տեղի չի ունեցել։ Ընդ որում, նա ընդգծել է թեսթավորումների եւ վարակվածների շփումներին հետեւելու կարեւորությունը՝ նոր հիվանդությունները վաղ փուլերում հայտնաբերելու համար։
Գանան Աֆրիկյան առաջին երկիրն է, որը ապրիլի 20-ին հանել է սահմանափակումների հիմնական մասը, որը վերաբերում է մարդկանց տեղաշարժին, ձեռնարկությունների եւ խանութնների աշխատանքին։ Հարավաֆրիկյան Հանրապետությունում մայիսի 1-ին վերջանում է հինգ շաբաթ տեւած համազգային կարանտինը։ Մայրցամաքի ամենախիտ բնակեցված երկիրը՝ Նիգերիան, կարանտինից մայիսի 4-ին դուրս կգա։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...