Հաստատվել է Կլասիկոյի անցկացման ժամկետը

Իսպանիայի Լա Լիգայի 26-րդ տուրում Մադրիդի «Ռեալի» և «Բարսելոնայի» միջև կայանալիք հանդիպումը տեղի կունենա մարտի 1-ին (կիրակի) և կմեկնարկի տեղական ժամանակով 21:00-ին (Երևանի ժամանակով՝ ուղիղ կեսգիշերին): Մրցավեճը կկայանա Մադրիդի «Սանտիագո Բեռնաբեու» ստադիոնում: Այս մասին հաղորդում է Լա Լիգայի թվիթերյան պաշտոնական էջը:

«Արքայական ակումբն» Իսպանիայի առաջնությունում անցկացված 22 տուրից հետո վաստակել է 49 միավոր և գլխավորում է աղյուսակը: Կատալոնական թիմը գտնվում է 2-րդ հորիզոնականում՝ առաջատարից հետ մնալով 3 միավորով:

Առաջին շրջանում «Կամպ Նոում» ստադիոնում դեկտեմբերի 18-ին կայացած խաղն ավարտվել էր գոլազուրկ ոչ-ոքիով: