Վալվերդեի անվան հաղթանակ Սաուդյան Արաբիայում

Մադրիդի Ռեալը Իսպանիայի սուպերգավաթի եզրափակիչում 11 մետրանոց հարվածաշարով 4:1 հաշվով հաղթանակ տարավ Մադրիդի Ատլետիկոյի նկատմամբ:

Սաուդյան Արաբիայում տեղի ունեցած եզրափակչի հիմնական եւ լրացուցիչ ժամանակն ավարտվեց 0:0 հաշվով: Իսկ 11 մետրոնոց հարվածաշարի ժամանակ Ռեալից գոլերը խփեցին Կարվախալը, Ռոդրիգոն, Մոդրիչը եւ Ռամոսը:

Ատլետիկոյի հարվածներից մեկը հետ մղեց Կուրտուան, իսկ մյուսը դիպավ դարպասաձողին: Խփած մեկ գոլը քիչ էր անգամ վերջին հարվածն իրացնելու համար:

Իսկ այս հաղթանակը Ռեալի համար կերտեց թիմի կիսապաշտպան Վալվերդեն, որը հանդիպման լրացուցիչ ժամանակի ավարտից երեք րոպե առաջ վայր գցեց Կուրտուայի դիմաց մեն-մենակ դուրս եկող Մորատային: Նա կարմիր քարտ ստացավ, բայց թիմին փրկեց պարտությունից եւ հաղթանակ նվիրեց: Սա Վալվերդեի անվան հաղթանակ էր:

Այսպիսով Ռեալը, որը անցած մրցաշրջանում ոչ գավաթը նվաճեց, ոչ չեմպիոնի կոչումը, բայց նվաճելով սուպերգավաթը ապացուցեց, որ շարունակում է մնալ ուժեղագույն թիմը Իսպանիայում:

Top-News.am