Ռոնալդուի գլխավոր նպատակը

Թուրինի «Յուվենտուսի» պորտուգալացի հարձակվող Կրիշտիանու Ռոնալդուն պատմել է, թե կարիերայի վերջնամասում ինչը կարող է լինել իր գլխավոր նպատակը։

«Հաշվի առնելով, որ արդեն մոտ եմ գագաթին, կարելի է կարիերայիս մնացած հատվածում գլխավոր նպատակ համարել պատմության մեջ լավագույն ռմբարկու դառնալը։ Սակայն դա չի լինի կպչուն գաղափար։

Իմ կյանքում ամեն ինչ ստացվել է բնական ճանապարհով։ Ամեն ինչ եղել է իմ ջանքերի արդյունքը, առանց նպատակ դնելու։ Լավագույնին հասնում ենք միայն հաճույք ստանալով»,- Ռոնալդուի խոսքը մեջբերում է France Football-ը։

Ռոնալդուն կարիերայի ընթացքում արդեն խփել է 701 գոլ։ Լավագույն ռմբարկուն Ավստրիայի եւ Չեխոսլովակիայի հավաքականների նախկին խաղացող Յոզեֆ Բիցանն է (1913-2001)՝ 805 գոլ։