Սաուդյան Արաբիայի թագաժառանգը մտադիր է ձեռք բերել «Մանչեսթեր Յունայթեդը»

Սաուդյան Արաբիայի թագաժառանգ, 34-ամյա Մոհամեդ բին Սալման ալ Սաուդը վճռական է տրամադրված ձեռք բերել անգլիական «Մանչեսթեր Յունայթեդը» ամերիկացիներ Գլեյզերների ընտանիքից։

Թագաժառանգն արդեն բանակցել է Գլեյզերների հետ՝ առաջարկելով 3,48 միլիարդ եվրո, սակայն առաջարկը չի ընդունվել։ Մոհամեդ բին Սալմանը մտադիր է ավելի գրավիչ առաջարկ անել, հաղորդում է mirror.co.uk-ը։

2005 թվականից «Մանչեսթեր Յունայթեդի» սեփականատեր Գլեյզերները Նյու Յորքի ֆոնդային բորսայում տեղադրել են ակումբի բաժնետոմսերի 13 տոկոսը՝ 314 միլիոն եվրոյով։ Այս հանգամանքը կարող է ազդել հնարավոր վաճառքի վրա։

Անգլիայի ընթացիկ առաջնության 8 տուրից հետո «Մանչեսթեր Յունայթեդը» 9 միավորով 14-րդ տեղում է։