Պայուսակը՝ որպես հաղորդակցության միջոց, մեկ կամ երկու չափս մեծ կոշիկներ. հայտնի են թագավորական ընտանիքի նորաձևության հնարքները (լուսանկարներ)

Մեծ Բրիտանիայի թագավորական ընտանիքի անդամները մշտապես ուշադրության կենտրոնում են, ուստի նրանք տարիների ընթացքում իրենց համար նորաձևության հետ կապված որոշ հնարքներ են մշակել:

WLMM պորտալը ներկայացնում է թագավորական ընտանիքի ամենահետաքրքիր հնարքները.

 Ձեռքի պայուսակը՝ որպես գաղտնի հաղորդակցության միջոց

Հայտնի է, որ Էլիզաբեթ II-րդ թագուհին իր ձեռքի պայուսակը պահում է ոչ միայն անձնական իրերը պահելու համար, այլև հաղորդակցության նպատակով: Մասնավորապես՝ Մեծ Բրիտանիայի միապետը ձեռքի պայուսակն օգտագործում է իր աշխատակազմին որևէ բան հասկացնելու համար: Օրինակ՝ երբ պաշտոնական ընթրիքների ժամանակ թագուհին ձեռքի պայուսակը դնում է սեղանին, նշանակում է ցանկանում է հեռանալ:

 Մեկ կամ երկու չափս մեծ կոշիկներ

Որքան էլ անտրամաբանական թվա, Սասեքսի դքսուհի Մեգան Մարքլը կոշիկ գնելիս միշտ ընտրում է մեկ կամ երկու չափս մեծ կոշիկներ: Լրացուցիչ տարածքը կանխում է ոտքերի բշտիկներն ու տհաճ զգացողությունը: Նորձևության փորձագետ Հարիեթ Դեյվիի խոսքով՝ կարմիր գորգերի վրա ոչ միայն թագավորական ընտանիքի անդամները, այլև աստղերը ներկայանում են մեկ կամ երկու չափս մեծ կոշիկներով:

 Հնարամիտ տարբերակ՝ «օդ չթռչող» զգեստներից խուսափելու համար

Թագավորական ընտանիքի կին անդամները բազմիցս հայտնվել են «Մերիլինի» իրավիճակում: Մասնավորապես՝ Քեյթ Միդլթոնի զգեստը մի քանի անգամ տարբեր առիթներով օդ է բարձրացել՝ անհարմար դրության մեջ դնելով արքայազն Ուիլյամի կնոջը: Հայտնի է, որ նման դեպքերից խուսափելու համար, Քեյթը զգեստները ներքև պահող, ծանր հարմարանքներ է օգտագործում: Լոնդոնի եղանակային պայմանները հաշվի առնելով՝ սա հիանալի տարբերակ է անհարմար իրավիճակներից խուսափելու համար:

 Ձեռնոցները՝ որպես պաշտպանիչ միջոցներ

Թեև ձեռնոցները կարող են օգտագործվել որպես գեղեցիկ աքսեսուարներ, թագուհին մեծ մասամբ դրանք օգտագործում է այլ նպատակով: Հաշվի առնելով այն փաստը, որ Նորին Մեծությունն օրական հազարավոր ձեռքեր է սեղմում, նա ձեռնոցներ է կրում՝ ձեռքերը մաքուր պահելու և մանրէներից խուսափելու համար:

 Հավաքած մազեր՝ քամոտ օրերին

Հաղորդվում է, որ թագավորական ընտանիքի անդամներն իրենց սանրվածքն ընտրում են եղանակից ելնելով: Մասնավորապես՝ Մեգան Մարքլը քամոտ օրերին հավաքում է իր մազերը՝ անցանկալի միջադեպերից խուսափելու համար:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից