Հույները, սերբերը եւ խորվաթներն այսօր ուժեղ էին

Ֆուտբոլի Չեմպիոնների լիգայի փլեյ-օֆֆ փուլում հայտնի դարձան առաջին երեք հաջողակ թիմերի անունները: Հաղթահարելով բարդ արգելքը խմբային փուլում հայտնվեցին Հունաստանի, Սերբիայի եւ Խորվաթիայի չեմպիոնները:

Օլիմպիակոսը երկու խաղի արդյունքում 6:1 հաշվով հաղթեց Կրասնոդարին, Ցրվենա Զվեզդան մեծ դժվարությամբ հաղթահարեց Յանգ Բոյզի արգելքը, հաջորդ փուլ դուրս գալով միայն մրցակցի դաշտում խփած երկու գոլի շնորհիվ: Շվեյցարիայում խաղն ավարտվել էր 2:2, իսկ Բելգրադում՝ 1:1 հաշվով:

Զագրեբի Դինամոն Նորվեգիայում Ռոսենբորգի հետ 1:1 հաշվով ավարտեց հանդիպումը եւ դուրս եկավ խմբային փուլ, քանի որ առաջին խաղում հաղթել էր 2:0 հաշվով:

Top-News.am