Ինչպես է հայտնի թմրավաճառը փախչում Ուկրաինայի անվտանգության ծառայության աշխատակիցներից (տեսանյութ)
Հրապարակվել է թմրանյութերի տարածման խոշորագույն միջազգային առցանց ցանցի հիմնադիր Ամոս Դով Սիլվերի՝ Կիևի «Բորիսպոլ» օդանավակայանից փախուստը պատկերող տեսագրությունը:
Ինչպես ներկայացնում է Lenta.ru-ն, վերահսկման տեսախցիկները ֆիքսել են պահը, երբ Սիլվերը ստուգում էր անցնում իրեն ուղեկցող Ուկրաինայի անվտանգության ծառայության աշխատակցի հետ: Ձեռքի ուղեբեռի ստուգման պահին ուժայինի մոտ դանակ են հայտնաբերում: Նա երկխոսության մեջ է մտնում օդանավակայանի աշխատակցի հետ՝ փորձելով ապացուցել, որ այն օդանավ տանելու իրավունք ունի:
Այդ ողջ ընթացքում Սիլվերը (կապված վարսերով և բաճկոնով տղամարդը) որոշ ժամանակ հանգիստ կանգնած էր, նրան ձեռնաշղթաներ չէին հագցրել: Կարճ ժամանակ անց նա վերցնում է իրերի համար նախատեսված դատարկ արկղը, ձևացնում է, թե այն իր տեղն է դնում, այնուհետև արագ դուրս է գալիս սրահից: Նրան ոչ ոք չի կանգնեցնում: Անվտանգության ծառայության աշխատակիցը նրա բացակայությունը նկատում է մեկ րոպե անց միայն:
Աղբյուրը նշում է, որ Սիլվերը, որին անվանում են «թմրանյութերի առցանց աշխարհի թագավոր» փախել է օգոստոսի 15-ին Իսրայել արտաքսման ժամանակ: Նրան արտահանձնելու պահանջ է ներկայացրել Իսրայելը: Օգոստոսի 17-ին Սիլվերին հաջողվել է բռնել, իսկ հաջորդ օրը անվտանգության աշխատակիցներին, այնուամենայնիվ, հաջողվել է նրան ուղարկել հայրենիք:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...