200մլն դրամ ուղղում ենք մի ծրագրի, որի արդյունավետությունը կազմելու է 30-35%. անպտղության անվճար բուժման մասին
Օրերս կառավարությունը հաստատեց անպտղություն ունեցող զույգերին անվճար բժշկական օգնություն տրամադրելու մասին նախագիծը:
Թեմայի մասին ArmDaily.am-ը զրուցել է ուրոլոգ, անդրոլոգ, առողջապահության կազմակերպիչ Գևորգ Գրիգորյանի հետ:
Բժիշկն ասում է.
«Նախ պետք է նշել, որ ոչ թե անպտղություն ունեցող զույգերը,այլ նրանց մի մասը,ովքեր կոնկրետ չափորոշիչների են համապատասխանում: Ասել անպտղություն ունեցող զույգերը՝ պոպուլիզմ է,սովորական դեմագոգիա:
Վերարտադրողական առողջոոթյուն ապահովող ծրագրի վերաբերյալ հայկական ուրոլոգիական ասոցիացիան որևէ եզրակացություն չի տվել: Մինչդեռ վերարտադրողական առողջությունը վերաբերվում է ինչպես կնոջը,այնպես էլ տղամարդուն: Վերջիններիս վերարտադրողական առողջության պատասխանատուները ուրոլոգներն են: Հարկ է նշել, որ ծրագրի շրջանակներում տրամադրվող
գումարներն ուղղվելու են էկոյի կլինիկաներին,անգամ կարող եմ նշել,թե գերակշռող մասը որ կլինիկաներ են ուղղվելու: Հերթական անգամ տեղին-անտեղին կիրականացվի էկո, արհեստական բեղմնավորում: Կլինի այն պատկերը,որն առաջ էլ ունեինք,ուղղակի այս անգամ պետությունը կվճարի,կսատարի կլինիկաներին որ ավելի շատ գործ ունենան»:
Ինչպես բժիշկն է ասում՝ անպտղությունը հավասարաչափ բաշխված է,խնդիրներ կան և կանանց և տղամարդկանց մոտ: Տղամարդկանց մոտ հետազոտությունը,բուժումը,անհամեմատ հեշտ և մատչելի է, բայց նման կլինիկաները չեն ձգտում հետազոտել,բուժել տղամարդուն:
«Սովորաբար գերադասում են հետազոտել կնոջը և ուղղորդել դեպի էկո,քանի որ դա փողաբեր է: Արդյունքում մենք ունենում ենք հիվանդ տղամարդ: Ստացվում է, 200մլն դրամ ուղղում ենք մի ծրագրի,որի արդյունավետությունը կազմելու է 30-35%: Նման բաները ռազմավարական նպատակ չեն հետապնդում: Ռազմավարական նպատակ հետապնդում է առողջ բնակչություն ունենալը»,-ասում է բժիշկը:
Գրիգորյանն ասում է՝ հերթական անգամ բնակչության դժգոհությունն ենք ունենալու.
«Հայտարարվում է, որ անպտղությամբ զույգերի բուժումն անվճար է դառնում,սակայն տարեկան 200մլն-ը չի բավարարում բոլոր անպտուղ զույգերի հետազոտությանն ու բուժմանը: Բացի դա, կան հստակ չափորոշիչներ, թե որ զույգերը կարող են օգտվել այս ծրագրից: Եվ ամենակարևորը,մենք չենք ունենալու առողջացում,մենք ունենալու ենք խնդրի ժամանակավոր լուծում»:
Հիշեցնենք, որ շահառուներն են 2 տարի և ավելի անպտղություն ունեցող զույգերը, երբ ամուսիններից մեկը զինծառայող կամ զինծառայողներին հավասարեցված անձ, զինծառայության ընթացքում զոհվածի ծնող է, ընտանեկան նպաստի համակարգում ընդգրկված 30.01 և ավելի բարձր անապահովության միավոր ունեցող նպաստառու է կամ ամուսիններից մեկը հաշմանդամություն ունի:
Ծրագրից կարող են օգտվել նաև սահմանամերձ համայնքում բնակվող զույգերը:
Միաժամանակ ամուսիններից մեկը պետք է լինի ՀՀ քաղաքացի, իսկ ամուսնությունը գրանցված, կինը պետք է լինի 20-35 տարեկան՝ բացառությամբ զոհված զինվորների մայրերի՝ մինչև 42 տարեկան:
Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ)
Քթի հատուկ սփրեյը կարող է վերացնել սոցիալական հեռավորության անհրաժեշտությունը
Վաղուց հայտնի հակաբիոտիկը կարող է արդյունավետ հակաքաղցկեղային զենք լինել
Ինչու է բարձրանում շաքարն արյան մեջ
Սպիտակուցային համեղ ըմպելիքներ, որոնք կօգնեն նիհարել