Չի կարող 2 ատյան միեւնույն հարցի վերաբերյալ միաժամանակ պրոցես ունենալ. Հովհաննես Խուդոյան
«Վերաքննիչ դատարանն ի սկզբանե զրկված է հնարավորությունից՝ քննության առնելու ՍԴ դիմելու հարցը»,-այս մասին այսօր «Փաստինֆո»-ի հետ զրույցում ասաց Ռոբերտ Քոչարյանի պաշտպան Հովհաննես Խուդոյանը. «Գործի վարույթի կասեցումը ենթադրաբար կարող է բողոքարկվել Վերաքննիչ ատյան, սակայն չի կարող քննարկվել՝ արդյոք առաջին ատյանի դատարանը կարող է դիմել ՍԴ թե ոչ։ Դատարանը գտել է, որ դրա անհրաժեշտությունը կա, ինքը կասկած է ունեցել եւ դրա համար դիմել է ՍԴ»,-նշեց նա։
Ըստ Խուդոյանի՝ կոնկրետ դեպքում գնահատականը տալիս է ՍԴ-ն. «Սահմանադրական դատարանում հետագա վարույթի վրա միակ ազդեցություն կարող է ունենալ Սահմանադրական դատարանը։ Ինքն է որոշում վարույթ ընդունում է, վերջնական որոշում տալիս է թե ոչ։ Որեւէ այլ դատավարական գործընթաց չի կարող արգելք լինել դրա համար։ Հակառակը, ՍԴ ցանկացած որոշում կարող է իր ազդեցությունն ունենալ քրեական վարույթի վրա»։
Խուդոյանի խոսքով՝ եթե դատարանի որոշոււմն անհիմն է, այսինքն՝ կասկած չկա, ՍԴ-ն պարզապես վարույթ չի ընդունում, եթե կասկածը առերեւույթ հիմնավոր է, ՍԴ-ն գործը ընդունում է քննության. «Այսինքն՝ չի կարող 2 ատյան` Վերաքննիչ դատարանը եւ Սահմանադրական դատարանը, միեւնույն հարցի վերաբերյալ միաժամանակ պրոցես ունենալ»։
Այս պարագայում, ըստ պաշտպանի, Վերաքննիչ դատարանը կարող է գնահատել՝ գործի վարույթը կասեցնելը իրավաչափ է եղել թե ոչ. «Այսինքն՝ Վերաքննիչը պետք է ընդամենը մեկ հարցի պատասխան տա. արդյո՞ք Քրեական դատավարության օրենսգրքով սահմանված կարգով առաջին ատյանի դատարանը դիմել է ՍԴ. եթե դիմել է, ապա կասեցման հիմքը կա, եթե չի դիմել, ապա կասեցման հիմքը պետք է վերացվի։ Ակնհայտ է, որ այս դեպքում դիմել է, ուստի այս բողոքը ձեւական բնույթ է կրում»։
Հովհաննես Խուդոյանի կարծիքով՝ այս հարցի քննությունը Վերաքննիչում մեկ ամսից ավել չի տեւի։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...