Հենրիխ Մխիթարյանը և Սոկրատիսը խոսել են իրենց ընկերության, ակումբի և նպատակների մասին
Հայաստանի ֆուտբոլի ազգային հավաքականի ֆուտբոլիստ, «Արսենալի» կիսապաշտպան Հենրիխ Մխիթարյանը և նրա թիմակից Սոկրատիս Պապաստատոպուլոսը զրույց են ունեցել: Հարցազրույցը հրապարակվել է «Արսենալի» ֆեյսբուքյան էջում:
Ի պատասխան ակումբի վերաբերյալ Հենրիխի հարցի՝ Սոկրատիսը նշել է, որ «Արսենալը» հրաշալի ակումբ է, և ամեն ինչ լավ է նաև Հենրիխի և Օբամեյանգի նման ընկերների շնորհիվ:
Երկու ֆուտբոլիստները խոսել են Պրեմիեր լիգայի մասին:
«Ես գիտեի, որ շատ դժվար է լինելու: Ես եկել եմ շատ մեծ թիմ, որտեղ լավ խաղացողներ կան, և դա ինձ շատ է դուր գալիս»,- նշել է Սոկրատիսը:
Սոկրատիսն էլ Մխիթարյանին հարցրել է իրենից ստացած առաջին տպավորության մասին: Հենրիխի խոսքով` տարիներ առաջ Սոկրատիսին տեսնելու պահից ի վեր շատ լավ տպավորություն է ստացել նրանից և ուրախ է նման ընկեր ունենալ:
Այնուհետև Սոկրատիսն է կիսվել Հենրիխ Մխիթարյանի մասին իր տպավորություններով:
«Ես և Միկին երբեմն նույն բանն ենք մտածում, մեզ նույն բաներն են դուր գալիս, մենք խոսում ենք այնպիսի թեմաներից, որոնք երկուսիս համար էլ հետաքրքիր են: Երբ առաջին անգամ տեսա Միկիին, Գերմանիայում բոլորը նրա մասին էին խոսում, քանի որ նա Բորուսիայի համար այդ տարվա ամենաթանկ տրանսֆերն էր: Բոլորը ասում էին՝ «Դե ինչ, տեսնենք, շատ մեծ գումար է ծախսվել», սակայն հենց առաջին մարզումներից Միկին բոլորին տպավորեց, և բոլորը դրանից հետո համոզվեցին, որ Միկին իրեն շատ լավ կդրսևորի Գերմանիայում», – ասել է Սոկրատիսը:
Այնուհետև երկու թիմակիցները խոսել են նաև Պիեռ Էմերիկ Օբամեյանգի մասին իրենց տպավորություններից և իրենց ընկերությունից: Սոկրատիսի խոսքով՝ Օբամեյանգը սկզբում շատ փակ էր, շատ չէր շփվում, սակայն տպավորում էր իր արագությամբ և հմտություններով:
«Մեկ կամ երկու ամիս հետո, երբ նա արդեն հարմարվել էր մյուս խաղացողների հետ, նա դարձավ այն Օբան, որին մենք գիտենք: Նա շատ ընկերասեր մարդ է: Միկին և Օբան այն երկու խաղացողներն են, երկու ընկերները, ում հետ խաղից հետո մենք խոսում ենք հեռախոսով, միմյանց հաղորդագրություններ ենք ուղարկում: Գուցե նրանք կգան Հունաստան, ես կգնամ Հայաստան կամ նույնիսկ Գաբոն»,- ասել է Սոկրատիսը:
«Մենք քեզ սպասում ենք Հայաստանում»,- նշել է Հենրիխ Մխիթարյանը:
Ընկերները խոսել են նաև տարիների ընթացքում իրենց մոտ տեղի ունեցած փոփոխություններից: Սոկրատիսի խոսքով, իրենց մտածելակերպն է փոխվել տարիների ընթացքում, սակայն նաև այն, որ ինքն ու Օբամեյանգն ընտանիք և երեխաներ ունեն:
«Միկին էլ է փոխվել, բայց Միկին ընտանիք չունի: Հուսով եմ, առաջիկա տարիներին կմիանաս մեր ակումբին»,- ասել է Սոկրատիսը:
Այնուհետև Հենրիխ Մխիթարյանը խոսել է իր նպատակներից:
«Ես միշտ խաղացել եմ՝ տիտղոսներ և գավաթներ շահելու համար, որովհետև ֆուտբոլային կարիերայի ավարտից հետո մարդիկ քեզ դրանով են հիշելու, և իհարկե, էմոցիոնալ խաղեր եմ ուզում: Ես ընտրել եմ «Արսենալը», որովհետև գիտեմ, որ նրանք ի վիճակի են հաղթել, և ես վստահ եմ, որ մեզ համար այս տարին շատ լավն է լինելու: Հաջորդ տարվա իմ նպատակն է «Արսենալը» կրկին տեսնել Չեմպիոնների լիգայում, որովհետև կարծում եմ, որ այս թիմի տեղն այդ մրցաշարում է: Ես փոքրուց նայել եմ, թե ինչպես է «Արսենալը» խաղում Չեմպիոնների lիգայում և ոչ թե Եվրոպայի լիգայում: Այնպիսի ժամանակներ էին, որ թիմը մի փոքր տառապեց, եթե կարելի է այդպես ասել, նրանց մոտ անհաջող շրջան էր, ուստի հույս ունեմ, որ մենք կունենանք հաջողություններ և կշարունակենք լավ աշխատանքը և Չեմպիոնների լիգայում կգրավենք մեր տեղը», – ասել է Մխիթարյանը:
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Հուլիսը եղել է BYD-ի ամենահաջող ամիսը
ԲՏԱ նոր փոխնախարարը սովորել է Նիդերլանդներում
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
«ՑԱՅԳ» հեռուստաընկերությունն իրականացնում է «Շիրակցու խոսք» ծրագիրը
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
Որքան է կազմում ՀՀ մշտական բնակչությունը
Վարչապետ Փաշինյանը երկօրյա աշխատանքային այցով մեկնել է Ղրղզստան
Սաակաշվիլիի կուսակցությունը վերափոխման է ենթարկվում
ՆԳՆ քրեական ոստիկանները թմրամիջոցի իրացման դեպք են բացահայտել․ առգրավվել է մարիխուանայով 72 փաթեթ