«Աշխատասենյակ պատրաստեք Գալուստյանի համար, նա ՌԴ հաջորդ նախագահն է». Սաակաշվիլին «ուղերձ է հղել» Պուտինին (տեսանյութ)
Վրաստանի նախկին նախագահ, Ուկրաինայի Օդեսա նահանգի նախկին նահանգապետ Միխեիլ Սաակաշվիլին հարցազրույց է տվել ուկրաինացի լրագրող Դմիտրի Գորդոնի յութուբյան ալիքին, որի ժամանակ ասել է, որ ՌԴ նախագահ Վլադիմիր Պուտինի ժամանակը մոտենում է ավարտին, գրում է gordonua.com-ը:
«Ես կարծում եմ՝ Պուտինի ժամանակն ավարտվում է: Շուտով Ռուսաստանում նախագահ կընտրեն, օրինակ, կատակերգու Միխայիլ Գալուստյանին: Կամ որևէ այլ ՈւՀԱ-ի (Ուրախների և հնարամիտների ակումբի-Tert.am) անդամի: Ճիշտ է, նման տաղանդավոր, ինչպիսին Ուկրաինայի նախագահ Վլադիմիր Զելենսկին է, այնտեղ չկա»,- ասել է Սաակաշվիլին:
Նա նշել է, որ ռուսական «կոմեդի շոուների» գծով մասնագետ չէ:
«Կընտրեն Գալուստյանին, և նա կփոխի ընկեր Պուտինի վարած քաղաքականությունը: Զելենսկին ստեղծել է նման նախադեպ, որ ռուսները պարզապես չեն կարող համարձակությամբ չլցվել: Չէ՞ որ նրանց մոտ նույնպես հեռանկար է բացվում: Աշխատասենյակ պատրաստե՛ք Գալուստյանի համար: Նա Ռուսաստանի հաջորդ նախագահն է»,- ասել է Սաակաշվիլին:
Օրերս Միխեիլ Սաակաշվիլին ուկրաինական «Наш» հեռուստաալիքի եթերում հայտնել էր, թե որ պարագայում Մոսկվան և Կիևը կկարողանան բանակցություններ վարել: Սաակաշվիլին հայտարարել էր, որ Կիևի և Մոսկվայի միջև բանակցությունները հնարավոր կդառնան միայն Միխայիլ Գալուստյանի՝ ՌԴ նախագահ դառնալու պարագայում:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...