Բոլոր «համընկնումների» գագաթնակետը. իսկ ո՞ւմ է ձեռնտու հող հանձնելը՝ պատասխանատվություն չկրելով
«Իրավունքը» գրում է. «Փաշինյանն այդպես էլ հոդաբաշխ բացատրություն չտվեց, թե որն էր հայաստանյան դատարաններն արգելափակելու իմաստը: Ճիշտ է, երկար-բարակ ճառեց, թե ուզում է դատական իշխանությունը դարձնել արդար և վստահելի: Սակայն ընդգծված կերպով շրջանցեց Քոչարյանի թեման, թեև, «տարօրինակաբար» չմոռացավ Արցախի մասին:
«Իմ քայլը» խմբակցության ղեկավար Լիլիթ Մակունցն էլ իր հերթին էր փորձում համոզել, որ փաշինյանական այդ քայլը ոչ մի կապ չունի Ռոբերտ Քոչարյանի հետ. «պարզապես համընկել է»: Բայց, օրինակ, նույն օրը Արցախի անվտանգության խորհրդի քարտուղար Վիտալի Բալասանյանի հետ կատարվածը նույնպես «պարզապես համընկնո՞ւմ» էր: Իսկ այն, որ Քոչարյանն ազատության մեջ հայտնվեց Արցախի գործող և նախկին նախագահների երաշխավորությամբ, էլի՞ պետք է «համընկնում» համարել: Թե՞ «համընկնում» է Սահմանադրական դատարանի վերջին հայտնի որոշումները:
Չնայած, այս բոլոր «համընկնումների» գագաթնակետը զգացվեց նաև Փաշինյանի երեկվա ելույթում. «Ակնհայտ է, որ կան նախկին կոռուպցիոն համակարգը ներկայացնող կոնկրետ ուժեր, ովքեր փորձ են անում կյանքի կոչել իրենց կողմից նախկինում կիրառված բանաձևը: Այն է՝ տարաձայնություններ, հակասություններ և նույնիսկ թշնամանք հրահրել Արցախի և Հայաստանի ժողովրդի միջև՝ «բաժանիր, որ տիրես» տրամաբանությամբ... Այդ համակարգերի որոշ պաշտոնյաներ գործադրում են կոռուպցիոն կապերը՝ Արցախում Հայաստանի կառավարության և անձամբ վարչապետի դեմ ստահոդ քարոզչություն իրականացնելու համար:
Դեռևս նախորդ տարվա խորհրդարանական ընտրություններին ասել եմ, որ այս ամենը վերլուծելով, դրանց տակ տեսնում եմ՝ ընդհուպ դավադիր պատերազմ հրահրելու, անգամ որոշ տարածքներ հանձնելու և տեղի ունեցածի պատասխանատվությունը Հայաստանի կառավարության վրա դնելու հեռահար նպատակ:
Այս իմաստով, դա համարում եմ պետական դավաճանությանը նմանվող գործունեություն և, որպես Արցախի անվտանգության երաշխավորը հանդիսացող Հայաստանի Հանրապետության վարչապետ, պատերազմական իրավիճակներում՝ գերագույն գլխավոր հրամանատար, ձեռնարկելու եմ ամենակոշտ միջոցները՝ այս դավադիր մտադրություններն արմատախիլ անելու համար...»:
Կարճ ասած, բոլորը դավադիր են, բացառությամբ Փաշինյանի կառավարությունից:
Սակայն այստեղ նախ հասկանալ է պետք, «պետական դավաճանների» մասին Փաշինյանի ասածները ընդամենը Փաշինյանի «վերլուծելու» և «դրանց տակ տեսնելու» արդյո՞ւնք է, թե՞ նա կոնկրետ փաստեր ունի»,-գրում է թերթը:
Մանրամասները՝ թերթի այսօրվա համարում:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...