Ես պատրաստ եմ հանդիպել Սարգիս Քլոյանի հետ. Լևոն Քոչարյան (տեսանյութ)
Մայիսի 15-ին Երևանի ընդհանուր իրավասությունների դատարանում շարունակվում է ՀՀ երկրորդ նախագահ Ռոբերտ Քոչարյանի և մյուսների գործով նիստը։ Դատարանը քննում է Ռոբերտ Քոչարյանի խափանման միջոցի հարցը։ Դատական նիստը մեկնարկելուց առաջ Ռոբերտ Քոչարյանի որդին՝ Լևոն Քոչարյանը պատասխանեց լրագրողների հարցերին: Նա ասաց, որ իրենք առաջին շահագրգիռ կողմն են, թող բաց դատաքննությունը լինի, բոլորն էլ տեսնեն, որ իրենց ընտանիքը որևէ կապ չունի կատարվածի հետ: Անդրադառնալով մարտի մեկի տասւը զոհերից Գոռ Քլոյանի հոր՝ Սարգիս Քլոյանի՝ իր հետ հանդիպելու հայտարարությանը, նա ասաց.
«Ես պատրաստ եմ հանդիպել Սարգիս Քոլայնի հետ, բայց եկեք շոու չսարքենք: Ես շատ ցավում եմ զոհերի համար, բայց տասը տարի շարունակ զոհերի ընտանիքների վշտի հետ կապված փորձել են քաղաքական դիվիդենտներ շահել և հիմա էլ նույն բանն են անում»:
Նրա խոսքով՝ տասը տարի շարունակ մարտիմեկյան իրադարձությունները կապել են իր ընտանիքի հետ։
Հարցին, թե ովքե՞ր են նրա ընտանիքի հետ կապողները, Քոչարյանն արձագանքեց. ««Հայկական ժամանակ» թերթի նախկին գլխավոր խմբագիրը՝ առաջին հերթին»։ Լևոն Քոչարյանն անդրադարձավ նաև Արցախի նախկին և ներկա նախագահների անձանական երաշխավորությանը՝ նշելով, որ երաշխավորությունը միջամտություն չէ, իրենց մարտական ընկերն է, դրա համար էլ դիմել են:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...