Կառավարությունն արհամարհում է պատգամավորների, ժողովրդի ու, ընդհանրապես, այլ պետական կառույցներից իրենց ուղարկված նամակները
«Ժողովուրդ» թերթը գրում է.
««Ժողովուրդ» օրաթերթի տեղեկությունների համաձայն՝ կառավարությունն ու պետական մի շարք գերատեսչություններ, վերջին ժամանակահատվածում իրենց աշխատանքը համարելով շատ կարևոր, որոշել են անարձագանք թողնել պատգամավորների, ժողովրդի ու, ընդհանրապես, այլ պետական կառույցներից իրենց ուղարկված նամակները:
Անհասկանալի է, թե ինչու են կառավարությունում կամ նախարարություններում համարում, որ իրենց լեգիտիմությունը կարող է իրավունք տալ արհամարհական վերաբերմունք դրսևորել:
ԱԺ «Լուսավոր Հայաստան» խմբակցության պատգամավոր Անի Սամսոմյանը ևս նամակներ է ուղարկել կառավարությանը, սակայն ամիսներ շարունակ դրանցից պատասխան չի ստացել: «Երբ ներկայացվում էր կառավարության զեկույցը, որը ներկայացում է ՀՀ վարչապետ Նիկոլ Փաշինյանը, ես նրան այդ մասին ասացի ու կարծում էի, որ դա զգոնության ազդակ կարող է լինել, կոչ կլինի, որ ուղարկված նամակներին պետք է պատասխանել: Բայց դա տեղի չունեցավ ու ես այժմ էլ սպասում եմ նամակների պատասխաններին, որոնց տեղեկատվությունը, այսպես ասեմ, նույնիսկ հնանում է, ու խնդիր է դառնում: Ես նամակներ գրել եմ փետրվարին ու մինչև հիմա սպասում եմ պատասխանին»,-հայտարարեց ընդդիմադիր պատգամավորը:
Ըստ Անի Սամսոնյանի՝ ինքը դեռևս չի ցանկանում «սև ցուցակում» ներառել իրեն չպատասխանած գերատեսչություններին՝ կարծելով, որ իր նամակներին դեռևս կպատասխանեն: «Եթե չպատասխանեն, դա խնդիր է, ու դա նաև ի չիք է դարձնում բոլոր այն հայտարարությունները, թե մենք կառավարության աշխատանքը դարձնում ենք ավելի արդյունավետ: Չի կարող լինել որևէ աշխատանք, չի կարող լինել որևէ գործ, որը ավելի կարևոր կլինի, քան պատգամավորի նամակին պատասխանելը, որովհետև մենք խորհրդարանական երկիր ենք, խորհրդարանականները գործադիրի վերահսկողներն են, և իրենք պարտավոր են առաջինը մեր նամակներին պատասխանել: Այսինքն՝ այս անփութություն ասեմ, արհամարհանք ասեմ, անտարբերություն ասեմ, սա մեծապես խոչընդոտում է նաև մեր պատգամավորական աշխատանքին»,-եզրափակեց Սամսոնյանը:
Ըստ մեր տեղեկությունների՝ նույն ճակատագրին են արժանանում նաև ՀՀ քաղաքացիների կողմից ուղարկվող նամակները: Վերջիններս էլ նամակի պատասխանին երկար սպասելուց հետո ստիպված են լինում փողոց դուրս գալ՝ բողոքի ակցիա անելով երեկ վարդաբլուրցիները ԱԺ-ի դիմաց բողոքում էին իրենց նամակներին չարձագանքելու համար»,-գրում է թերթը:
Նյութն ամբողջությամբ կարդացեք թերթի այսօրվա համարում:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...