Սուրհանդակների ժամանակը. նախագահն ու վարչապետը չեն կարողանում ժամանակին կապ հաստատել
«Իրավունք» թերթը գրում է.
«ՀՀ վարչապետ Նիկոլ Փաշինյանը երեկ լրագրողների հետ հանդիպման ժամանակ խոսեց շուրջ 4 և ավել ժամ: Իհարկե, այդ ընթացքում նորություններ՝ երկրի ապագայի հետ կապված, բացահայտումներ ու դարակազմիկ մտքեր այդպես էլ չհնչեցին: Իսկ զավեշտ հիշեցնող դրվագներ, ինչքան ասես, կային: Միայն ափսոս, որ ասուլիսը Կրկեսի շենքում չէր...
Օրինակ, ի թիվս բազմաթիվ այլ հարցերի, Ն. Փաշինյանն անդրադարձավ Ստեփանակերտում կայացած ՀՀ և Արցախի Անվտանգության խորհրդի համատեղ նիստին ՀՀ նախագահ Արմեն Սարգսյանին հրավերի ուշացմանը, որի պատճառով էլ նախագահն ասել էր, թե տեխնիկական խնդիրներով պայմանավորված՝ ներկա չի լինի: Ն. Փաշինյանը նախ վստահեցրեց, թե Արմեն Սարգսյանին ընդունում է որպես ՀՀ նախագահ, կարծես թե, իր ընդունելով են Հայաստանում նախագահ ընտրվում, այլ ոչ թե խորհրդարանի ընտրությամբ: Ապա հավելեց, որ համատեղ նիստի մասին շատ հարցեր որոշվել են նախօրեին՝ երեկոյան, և անձամբ ինքն է զանգել նախագահին՝ հրավիրելու համար, որ հաջորդ առավոտյան պաշտպանության նախարարի հետ ուղղաթիռով գա Ստեփանակերտ: Սակայն, ոչ ավել, ոչ պակաս վերջինիս չի հաջողվել կապ հաստատել և հանձնարարել է ՀՀ ԱԽ քարտուղար Արմեն Գրիգորյանին կապ հաստատել ու հրավիրել ՀՀ նախագահին:
Ինչ խոսք, եթե նախագահն ու վարչապետը չեն կարողանում իրար հետ ժամանակին կապ հաստատել, ուրեմն ժամանակն է պատմության խորքից հանել սուրհանդակներին՝ հաշվի առնելով, որ պատերազմական իրավիճակում գտնվող երկիր ենք, և միգուցե վաղը՝ ավելի օրհասական պահի ևս նախագահն ու վարչապետը չկարողանան ժամանակին կապ հաստատել միմյանց հետ»,-գրում է թերթը:
Նյութն ամբողջությամբ կարդացեք թերթի այսօրվա համարում:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...