Աշխարհի լավագույն ֆուտբոլիստը Լուկա Մոդրիչն է

Լոնդոնում ընթացող ՖԻՖԱ-ի տարվա մրցանակաբաշխությունում հրապարակվել է Պրոֆեսիոնալ ֆուտբոլիստների ասոցիացիաների միջազգային ֆեդերացիայի եւ ՖԻՖԱ-ի՝ FIFA FIFPro, վարկածով տարվա խորհրդանշական հավաքականը:

Դարպասապահ. Դավիդ Դե Խեա (Իսպանիա, «Մանչեսթեր Յունայթեդ»):

Պաշտպաններ. Դանի Ալվես (Բրազիլիա, ՊՍԺ), Ռաֆայել Վարան (Ֆրանսիա, «Ռեալ»), Սերխիո Ռամոս (Իսպանիա, «Ռեալ»), Մարսելո (Բրազիլիա, «Ռեալ»):

Կիսապաշտպաններ. Լուկա Մոդրիչ (Խորվաթիա, «Ռեալ»), Նգոլո Կանտե (Ֆրանսիայի, «Չելսի»), Էդեն Ազար (Բելգիա, «Չելսի»):

Հարձակվողներ. Կրիշտիանու Ռոնալդու (Պորտուգալիա, «Ռեալ» / «Յուվենտուս»), Լիոնել Մեսի (Արգենտինա, «Բարսելոնա»), Կիլիան Մբապե (Ֆրանսիա, ՊՍԺ):

Իսկ տարվա լավագույն ֆուտբոլիստ ճանաչվեց Խորվաթիայի հավաքականի առաջատար եւ Մադրիդի «Ռեալի» կիսապաշտպան Լուկա Մոդրիչը:

Լավագույն դարպասապահ ճանաչվեց Բելգիայի եւ Մադրիդի «Ռեալի» ֆուտբոլիստ Տիբո Կուրտուան: Լավագույն մարզիչը աշխարհի չեմպիոն Ֆրանսիայի հավաքականի գլխավոր մարզիչ Դիդիե Դեշամն է, իսկ տարվա գոլը «Էվերտոնի» դարպասը խփած լիվերպուլցի Մոհամեդ Սալահի գոլն է:

Top-News.am