Հայաստանի հավաքականը շարունակում է մեկը մյուսից վատ հանդիպումներ անցկացնել

Ֆուտբոլի Հայաստանի ազգային հավաքականն Ավստրիայում անցկացրեց երկրորդ ընկերական հանդիպումը: Մեր ազգային թիմը Տիրոլի «Սպորտպլատս Քեմատեն» մարզումային նպատակներով օգտագործվող մարզադաշտում մրցեց Մոլդովայի ազգային հավաքականի հետ:

Խաղը հիմնականում անցավ հավասար պայքարում: Առաջին խաղակեսում Մինասյանի ֆուտբոլիստները երկու լավ պահ ունեին: Մկրտչյանի հարվածից հետո գնդակը հետ մղվեց դարպասաձողից, իսկ Մխիթարյանի անցումից ու հարվածից հետո լավ խաղաց դարպասապահը:

Սա այս խաղի ամենատպավորիչ միակ պահերն էին: 

Հիշեցնենք, որ մայիսի 29-ին մեր հավաքականը ոչ-ոքի` 1:1 էր խաղացել Մալթայի ընտրանու հետ խաղում:

Անկեղծ լինենք, Մոլդովայի եւ Մալթայի հանդիպումներըտ կարծես Էստոնիայի եւ Լիտվայի հետ կայացած խայտառակ հանդիպումների շարունակությունը լինեին:

Top-News.am