Ջիգարխանյանի նախկին կինը «Пусть говорят» հաղորդման ժամանակ սկանդալ է սարքել

ԽՍՀՄ ժողովրդական արտիստ, նշանավոր դերասան Արմեն Ջիգարխանյանի նախկին կինը՝ դաշնակահարուհի Վիտալինա Ցիմբալյուկ-Ռոմանովսկայան, սկանդալ է բարձրացրել ռուսական «Թող խոսեն» («Пусть говорят») հեռուստաշոուի նկարահանման ժամանակ և հարձակվել ներկաներից մեկի վրա, այս մասին գրում է woman.ru կայքը։

Նշվում է, որ այն պահին, երբ ցուցադրվել են Ջիգարխանյանին պատկերող կադրեր, որոնցում նա վատ տեսք է ունեցել ու դժվարությամբ խոսել, Ցիմբալյուկն աղմուկ է բարձրացրել, որ իր նախկին ամուսնուն հասցրել են նման վիճակի։

Դրան ի պատասխան հյուրերից մեկը՝ դերասանուհի Տամարա Սյոմինան հայտարարել է, որ կատարվածի մեջ միակ մեղավորը հենց Ցիմբալյուկն է, ինչին ի պատասխան Ջիգարխանյանի նախկին կինը հարձակվել է 79-ամյա կնոջ վրա ու, ըստ ականատեսների, կարծես փորձել հարվածել նրան։

Արտիստուհուն շտապել է պաշտպանել Ջիգարխանյանի ղեկավարած թատրոնի նախկին աշխատակցուհի Մարգարիտա Չերեսը, որը նույնպես արժանացել է Ցիմբալյուկի ագրեսիվ հակազդեցությանը։ Ըստ ներկաների՝ Ցիմբալյուկը բղավել է նրա վրա ու պահանջել «փակել անատամ բերանը»։

Հիշեցնենք, որ Ջիգարխանյանի և նրանից 44 տարով փոքր կնոջ շուրջ ընտանեկան սկանդալը ծագել էր նախորդ տարվա հոկտեմբերին:

Այն ժամանակ արտիստը հոսպիտալացվել էր ու պատմել, որ «ստոր կինը խաբեությամբ տիրացել է իր ունեցվածքին»:

Անցյալ տարվա նոյեմբերի վերջին դատարանը բավարարել է Ջիգարխանյանի՝ ամուսնալուծության վերաբերյալ հայցը, իսկ դեկտեմբերի սկզբին Ցիմբալյուկ-Ռոմանովսկայայի դեմ մեղադրանք է ներկայացվել՝ տարեց ամուսնու անձնական կյանքին վերաբերող նյութերն առանց նրա համաձայնության լրատվամիջոցներում տարածելու համար:

Նշվում է, որ կնոջն ազատ են արձակել չմեկնելու մասին ստորագրության դիմաց: Մինչդեռ Ցիմբալյուկ-Ռոմանովսկայայի փաստաբանը նշել է, որ մեղադրանքները հորինված են և որ ինքը գործում դատական հեռանկար չի տեսնում:

Թեև Ցիմբալյուկ-Ռոմանովսկայան բողոքարկել էր ամուսնալուծության մասին որոշումը՝ դատարանը որոշել է այն անփոփոխ թողնել:

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)