Ճգնավորյանը զանգել է մարզպետին. Խնդրանքը չի բավարարվել, նա էլ հիմնադրամը փակել է
«Հրապարակ» թերթը գրում է. «Արարատի մարզում քաղաքական խարդավանքների հետեւանքով Արտաշատի Հայկազ Ճգնավորյանի անվան թիվ 5 դպրոցում այլեւս չի գործում ավստրիացի բարերար Ճգնավորյանի հիմնադրամը, որի շնորհիվ դպրոցում տարիներ շարունակ մեծ ներդրումներ են կատարվել՝ սկսած աշակերտական համազգեստների հարցի լուծումից, վերջացրած սոցիալապես անապահով աշակերտների եւ ուսուցիչների վիրահատության խնդիրներով։
Մենք ամիսներ առաջ անդրադարձել էինք սույն դպրոցին, որը հայտնվել էր Արարատի մարզպետ Արամայիս Գրիգորյանի թիրախում, քանի որ նախկին տնօրեն Ռուզաննա Հայրապետյանը, որը ՀՀԿ տարածքային խորհրդի նախագահն էր, կուսակցությունից դուրս եկավ Հովիկ Աբրահամյանի «առվակ» դառնալուց հետո։
Մարզպետարանի կողմից իրականացված աուդիտի արդյունքում անցած տարի նախկին տնօրենն ազատվեց, դպրոցը նոր տնօրեն ունի։ Սակայն քաղաքային իշխանությունը փորձել է նախկին տնօրենին հեռացնել նաեւ բարեգործական հիմնադրամի նախագահի պաշտոնից։
Ի դեպ, մեկենասը Լորիս Ճգնավորյանի քույրն է՝ Արշալույսը, եւ նրա հոր՝ Հայկազ Ճգնավորյանի անունով է դպրոցն անվանակոչված: Ամիսներ առաջ Արշալույս Ճգնավորյանը հեռախոսազրույց է ունեցել Արամայիս Գրիգորյանի հետ, հորդորել հանգիստ թողնել Ռուզաննա Հայրապետյանին, բայց, տեսնելով, որ մարզպետն անդրդվելի է, փակել է հիմնադրամը։
Դպրոցի հաշվապահը երեկ մեզ հետ զրույցում հաստատեց, որ հիմնադրամն այլեւս չի գործում, թե ինչու՝ ուղղորդեց տնօրենի կողմը։ Իսկ տնօրենի հետ կապ հաստատել չհաջողվեց»:
Մանրամասները՝ թերթի այսօրվա համարում
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...