«Մեր առջև գերագույն առաջնորդի կողմից դրված խնդիրն է՝ հասնել համաձայնության պայմանների և կետերի իրագործմանը։ Մյուս կողմի անբարեխղճության, պայմանավորվածությունների խախտման և չափազանցված պահանջների դեպքում մենք առանց վարանելու թշնամուն կտրամադրենք կործանարար պատասխան», - գրել է Ղալիբաֆը X սոցիալական ցանցում։

Նա ԱՄՆ-ին սպառնացել է «էլ ավելի ուժեղ հարվածով», եթե նրանք կրկին փորձեն գնալ ռազմական հակամարտության ճանապարհով։

Ակնկալվում է, որ Իրանը և ԱՄՆ-ը ուրբաթ օրը շվեյցարական Բյուրգենշտոկում կսկսեն բանակցություններ՝ երկու երկրների միջև ավելի վաղ ստորագրված փոխըմբռնման հուշագրի իրագործման շուրջ։

Ամերիկյան պատվիրակությունը կգլխավորի փոխնախագահ Ջեյ Դի Վենսը, իսկ իրանականը՝ խորհրդարանի նախագահ Մոհամմադ Բաղեր Ղալիբաֆը։