Ոճային կերպարանափոխություն. Քիմ Քարդաշյանը երկնագույն վարսերով է ներկայացել (լուսանկարներ)

Ամերիկահայ հեռուստաաստղ Քիմ Քարդաշյանը, որը վերջին շրջանում հաճախակի է արտառոց ոճային փոփոխությունների դիմում, անցած հանգստյան օրերին ներկայացել է նոր կերպարով:

Ինչպես նշում է The Daily Mail-ը, 37-ամյա հայուհին վարսերը բաց երկնագույն երանգով է ներկել և որպեսզի ոճային փոփոխությունն առավել ընդգծված դարձնի, գրեթե նույն երանգի հագուստ է ընտրել:

Աղբյուրը մանրամասնում է, որ Քարդաշյանը երկու երեխաների՝ 4-ամյա Նորթի ու 2-ամյա Սենթի հետ Սուրբ Ծննդյան տոնի նախօրեին կազմակերպված խնջույքի է գնացել:

Հետաքրքրական է, որ աստղն ավելի ուշ բացահայտել է, թե որքան ժամանակ է պահանջվել մազերի նման գույն ստանալու համար: Քարդաշյանի պնդմամբ՝ իր վարսահարդարն ավելի քան 13 ժամ աշխատել է, որպեսզի նման արդյունքի հասնի: