Ո՞ւմ դեմ էր «բոչկա» գլորում Դավիթ Հարությունյանը
«Հրապարակ» թերթը գրում է. «Ո՞ւմ դեմ էր «բոչկա» գլորում Դավիթ Հարությունյանը՝ Արա Բաբլոյանի՞, թե՞ Հրայր Թովմասյանի, որի հետ տեւական ժամանակ է՝ մրցակցային վատ հարաբերություններ ունի։
Արդեն մի քանի օր այս հարցը քննարկվում է իշխանական կուլիսներում։ Կան կարծիքներ, որ Դավիթ Հարությունյանն իրականում նշանառել էր Արա Բաբլոյանին, քանի որ Արփինե Հովհաննիսյանի իրավական «կնքահայրը» ցանկանում է նրան տեսել ԱԺ նախագահի պաշտոնում։
Հիշեցնենք, որ արդարադատության նախարար Դավիթ Հարությունյանը, նախօրեին հակադարձելով ԱԺ նախագահ Արա Բաբլոյանին, խորհրդարանի ամբիոնից հայտարարեց, թե Դատական օրենսգրքում փոփոխությունների նախագիծը սահմանադրական չէ, հետեւաբար՝ դրա ընդունման համար 63 ձայն անհրաժեշտ չէ, ինչը փորձում էր ապահովել իշխող հանրապետականը։
Նախօրեին մեր լրագրողը նիստերի ընդմիջումներից մեկի ժամանակ Արա Բաբլոյանին հարցրել է՝ ի վերջո, Դավիթ Հարությունյանն իրականում ի՞ր, թե՞ Հրայր Թովմասյանի դեմ էր։ Բաբլոյանը հորդորել է․ «Այդ մասին ճշտեք Դավիթ Հարությունյանից»։ Անվտանգության աշխատողները թույլ չեն տվել մեր լրագրողին մտնել նիստերի դահլիճ, եւ զրույցն այսքանով ավարտվել է։
Ի դեպ, ԱԺ պետաիրավական հարցերի հանձնաժողովի նախագահ Հրայր Թովմասյանն ու ՀՀԿ պատգամավոր, նախկին գլխավոր դատախազ Գեւորգ Կոստանյանը հակադարձել էին Դավիթ Հարությունյանին՝ պնդելով, թե օրենքի փոփոխությունը սահմանադրական է»:
Մանրամասները՝ թերթի այսօրվա համարում
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...