Սահմանադրության տեքստը կհրապարակվի մինչև ընտրություններ
ՀՀ արդարադատության նախարար Սրբուհի Գալյանը հայտարարել է, որ Սահմանադրության տեքստը հնարավոր է հրապարակվի մինչև ընտրություններ։ «Մենք հրապարակելու ենք տեքստը, և այդ ժամանակ ակնհայտ կլինի՝ ինչ դրույթներ են շարունակելու մնալ և ինչ դրույթներ այլևս չեն լինի»,- ասել է նա։
«Մենք ինտենսիվ ենք աշխատում, որ հրապարակումը լինի օր առաջ։ Ես կարծում եմ՝ Սահմանադրության տեքստը կհրապարակվի մինչև ընտրություններ»,- նշել է նախարարը։
Խոսելով Անկախության հռչակագրի մասին՝ նա ասել է, որ այն պատմական փաստ է. «Այն ոչ թե անցյալին, այլ ապագային միտված փաստաթուղթ է։ Չնայած պատմական փաստաթուղթ է և իրավական վեճ կա դրա նորմատիվային լինելու հետ կապված, այն պարունակում է մի շարք հիմնարար սկզբունքներ, որոնք դրված են Սահմանադրության հիմքում։ Եվ այդ սկզբունքներով առաջնորդվելով՝ Սահմանադրությունը պետք է նայի դեպի ապագա և շեշտադրի պետության շարունակականությունը՝ խաղաղ, անվտանգ պետություն ապագա սերունդներին տալու առաքելություն։ Այս հիմնական գաղափարներն է շեշտադրելու Սահմանադրությունը»։
Նա շեշտել է, որ տեքստը անփոփոխ չի լինելու, այլ նախագիծ է, որը չի բացառվում որոշակի փոփոխությունների ենթարկվի, երբ քաղաքացիներից ու ոլորտի մասնագետներից առաջարկներ ստացվեն։ Գալյանը նաև ընդգծել է, որ Սահմանադրությունն ընդունել-չընդունելու հարցը որոշելու է ժողովուրդը։
Հուլիսը եղել է BYD-ի ամենահաջող ամիսը
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Վահագն Ալեքսանյանն ընտրվեց Ազգային ժողովի նախագահի տեղակալ
ԲՏԱ նոր փոխնախարարը սովորել է Նիդերլանդներում
Սաակաշվիլիի կուսակցությունը վերափոխման է ենթարկվում
Վարչապետ Փաշինյանը երկօրյա աշխատանքային այցով մեկնել է Ղրղզստան
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
Որքան է կազմում ՀՀ մշտական բնակչությունը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Չուամենին և Կամավինգան գերադասում են մնալ Մադրիդում