Հաստատվել են օտարերկրացիների նույնականացման քարտերի օրինակները․ ՄՔԾ պետն աշխատանքային այցով Օստրավայում է
ՆԳՆ միգրացիայի և քաղաքացիության ծառայության պետ Նելլի Դավթյանը աշխատանքային այցով Չեխիայի Հանրապետության Օստրավա քաղաքում է։ Նա այցելել է «IN Groupe» ընկերության փաստաթղթերի արտադրության գրասենյակ, որտեղ այս օրերին իրականացվում է նոր կենսաչափական փաստաթղթերի որոշ տեսակների առաջին օրինակների տպագրության հաստատումը։
Նելլի Դավթյանը հանդիպումներ է ունեցել ընկերության փաստաթղթերի արտադրության ղեկավար Ստանիսլավ Պոսպիշեկի, կենսաչափական համակարգի ներդրման ծրագրի դիզայներների, տպագրության մասնագետների հետ։
Արդեն հաստատված են օտարերկրացիների նույնականացման քարտերի օրինակները․ մասնավորապես՝ կացության կարգավիճակի, բնակության օրինականությունը հավաստող և օտարերկրյա դիվանագետի քարտերը։
Հաստատման են ներկայացվել փախստականի, քաղաքացիություն չունեցող անձի նույնականացման քարտերը։
Փախստականի, քաղաքացիություն չունեցող անձի և ՀՀ-ում դիվանագիտական առաքելություն իրականացնող անձի նույնականացման քարտերը անձը հաստատող նոր տեսակի փաստաթղթեր են. դրանք տարիներ շարունակ նախատեսված են եղել ոլորտը կարգավորող օրենսդրությամբ, սակայն գործնականում չեն կիրառվել։
Քննարկվել են նաև ՀՀ քաղաքացու կենսաչափական անձնագրին, դրա հաստատման փուլերին վերաբերող հարցեր, անդրադարձ է կատարվել համակարգի ներդրման փոխկապակցված գործընթացներին՝ անձնագրի շապիկի, տվյալների էջի, վիզա էջերի հաստատման ժամանակացույցին, ինչպես նաև ինքնասպասարկման «բոլորը մեկում» գործընթացի բաղադրիչներին։
Փաստաթղթերը, ինչպես ՀՀ քաղաքացու նույնականացման քարտը, արտադրվելու են բարձր ստանդարտներով՝ կենսաչափական տվյալներով, անվտանգային բաղադրիչներով:
Քարտերի հաստատման գործընթացը բաղկացած է մի քանի բաղադրիչից․ դիմային հատվածի երանգավորում՝ ելակետային նոմինալ տարբերակն ու դրա թույլատրելի շեղումները, դարձերեսի երանգավորում՝ ելակետային նոմինալ տարբերակն ու դրա թույլատրելի շեղումները, տվյալների դաշտերի տեղակայում, լամինացում, ուլտրամանուշակագույն լույսի համար նախատեսված անվտանգային և գեղարվեստական ձևավորում։ Թույլատրելի շեղումների շրջանակն անզեն աչքով հնարավոր չէ նույնացնել, այս գործընթացը ենթադրում է որակի ստուգում, այդ թվում անվտանգային ստուգում՝ հատուկ լաբորատոր չափումներով, ապահովագրում է այն իրավիճակից, երբ տպիչ մեքենայի մաշվածությունը կամ օգտագործվող նյութերը տարբեր տարիներին որևէ կերպ ազդեն այսօր հաստատվող որակի վրա, այն միաժամանակ ապահովագրում է հաստատվող փաստաթղթերի որակը պայմանագրի ողջ ընթացքի՝ տասը տարիների համար։
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Հուլիսը եղել է BYD-ի ամենահաջող ամիսը
Սաակաշվիլիի կուսակցությունը վերափոխման է ենթարկվում
«ՑԱՅԳ» հեռուստաընկերությունն իրականացնում է «Շիրակցու խոսք» ծրագիրը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
Որքան է կազմում ՀՀ մշտական բնակչությունը
Վարչապետ Փաշինյանը երկօրյա աշխատանքային այցով մեկնել է Ղրղզստան
ՀՀ շրջանների մեծ մասում սպասվում է կարճատև անձրև և ամպրոպ, հնարավոր է կարկուտ