Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ

Ինչպես միշտ, էլի անկեղծորեն ասում եմ, որ «Յոթ վերքի» պատարագի կազմակերպմանը մարզպետարանը որևէ առնչություն չունի, պատարագը կազմակերպվում է քահանաների կողմից.  ամբողջ պատասխանատվությամբ ասում եմ՝ որևիցե մեկը ղեկավարությունից չի զանգել ինձ ասել, թե՝ «Յոթ վերքում» պատարագ պիտի լինի ու խնդրում եմ աջակցես կամ հանձնարարական կա, որ աջակցես այդ պատարագին։ Այս մասին, այսօր՝ դեկտեմբերի 23–ին, լրագրողների հետ զրույցում նշել է Շիրակի մարզպետ Դավիթ Առուշանյանը՝ անդրադառնալով լուրերին, որ իր հրաժարականի հարցը քննարկվել է այն պատճառով, որ ինքը չի կարողացել բազմամարդություն ապահովի դեկտեմբերի 7–ին, «Յոթ վերք» եկեղեցում վարչապետի մասնակցությամբ պատարագին։

Ինչ որոշում էլ կայացնեն ՔՊ վարչությունն ու վարչապետը, ես բնականաբար հաշտ եմ այդ որոշման հետ, որովհետև պաշտոնը տանից չեմ բերել, տուն էլ չեմ տանելու, բացի աթոռից»։