Թրամփը ցանկանում է խնդրել Հարավային Կորեային ռազմաբազան հանձնել ԱՄՆ-ին

Այս մասին ամերիկացի առաջնորդը հայտարարել է Սպիտակ տանը իր հարավկորեացի գործընկեր Լի Չժե Մյունի հետ հանդիպման սկզբում լրագրողների հարցերին պատասխանելիս։«Եվ գուցե այն բաներից մեկը, որ ես կցանկանայի անել, դա նրանց խնդրելն է մեզ փոխանցել այն հողի սեփականության իրավունքը, որտեղ մենք ունենք մեծ ամրոց։

Ես կցանկանայի տեսնել, թե կարո՞ղ ենք արդյոք ազատվել վարձակալության պայմանագրից, ստանձնել այն հողի սեփականությունը, որի վրա գտնվում է հսկայական ռազմական բազա»,-ասել է Թրամփը՝ պարզաբանելով, որ խոսքը մեծ ռազմական բազայի մասին է։Նա հրաժարվել է մեկնաբանել Հարավային Կորեայում տեղակայված ամերիկյան զորքերի թվաքանակի կրճատման հնարավորությունը։

«Ես հիմա չեմ ուզում դրա մասին խոսել, քանի որ մենք ընկերներ ենք եղել և մնում ենք ընկերներ»,-շեշտել է Թրամփը։

ԱՄՆ նախագահը հիշեցրել է, որ Կորեայի Հանրապետությունում տեղակայված է ավելի քան 40,000 ամերիկյան զորք։