Ղրիմը կլիներ Ուկրաինայի մաս, եթե չլիներ 2014-ի hեղաշրջումը. Լավրով
Ղրիմը կլիներ Ուկրաինայի մաս, եթե չլիներ 2014 թվականի հեղաշրջումը, հայտարարել է ՌԴ արտգործնախարար Սերգեյ Լավրովը։
«Եթե չլիներ 2014-ի փետրվարի պետական հեղաշրջումը, և եթե այն ժամանակվա նախագահ Վիկտոր Յանուկովիչի և ընդդիմության միջև նախօրեին ձեռք բերված պայմանավորվածությունը կյանքի կոչվեր, Ուկրաինան մինչև հիմա կլիներ միացյալ, իսկ Ղրիմը կլիներ նրա կազմում: Դա ակնհայտ է: Նրանք չկատարեցին այս պայմանավորվածությունը, փոխարենը նրանք հեղաշրջում կատարեցին», - ասել է Լավրովը ամերիկացի լրագրող Թաքեր Կառլսոնին տված հարցազրույցում:
Նա հավելել է, որ Ռուսաստանն անկեղծորեն շահագրգռված էր հեղաշրջումից հետո Դոնբասում սկսված հակամարտությունը դադարեցնելու հարցում, սակայն դրա համար անհրաժեշտ էր, որ Մինսկյան պայմանավորվածությունները լիովին իրականացվեին։
«Բայց դրանք սաբոտաժի ենթարկվեցին Ուկրաինայում հեղաշրջումից հետո ստեղծված կառավարության կողմից։ Պայմանավորվածություն ձեռք բերվեց, որ այս կառավարությունը պետք է ուղիղ երկխոսության մեջ մտնի հեղաշրջումը չընդունող մարդկանց հետ և խթանի տնտեսական հարաբերությունների զարգացումը Ուկրաինայի այս հատվածի (Դոնբաս) հետ: Սրանցից ոչ մեկը չի արվել: Կիևի ռեժիմը հայտարարել է, որ երբեք ուղղակիորեն չի խոսի նրանց հետ»,- նշել է ՌԴ ԱԳ նախարարը։
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Հուլիսը եղել է BYD-ի ամենահաջող ամիսը
Սաակաշվիլիի կուսակցությունը վերափոխման է ենթարկվում
«ՑԱՅԳ» հեռուստաընկերությունն իրականացնում է «Շիրակցու խոսք» ծրագիրը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
Որքան է կազմում ՀՀ մշտական բնակչությունը
Վարչապետ Փաշինյանը երկօրյա աշխատանքային այցով մեկնել է Ղրղզստան
Որպես անհետ կորած որոնվում է 1992թ. ծնված Վահագ Մարտիրոսյանը