Ադրբեջանում դոլարի փոխարժեքը կտրուկ աճ է գրանցել

Հունվարի 25-ին Ադրբեջանի կենտրոնական բանկի արժութային աճուրդում դոլարի փոխարժեքը կտրուկ աճ է գրանցել՝ կազմելով 1,9052 մանաթ, գրում է contact.az-ը:

Այսինքն՝ ամերիկյան արժույթի փոխարժեքը կտրուկ աճել է 4,93 գապիկով կամ 2,6 տոկոսով:

Կայքը հիշեցնում է, որ հունվարի 23-ին տեղի ունեցած աճուրդի ժամանակ դոլարն արժեցել է 1,8559 մանաթ:

Նշվում է, որ դա աճուրդում դոլարի փոխարժեքի ամենակտրուկ աճերից մեկն է: Մինչ այդ աճուրդում առավելագույն աճը կազմել է 2 գապիկ:

1,9052 մանաթ դոլարի փոխարժեքի դեպքում առևտրային բանկերը նույնպես կբարձրացնեն վաճառքի և գնման փոխարժեքները՝ դոլարի համար 1,86-1.93 մանաթից մինչև 1,91-1,98 մանաթի:

Համապատասխանաբար կաճի նաև մանաթի նկատմամբ եվրոյի փոխարժեքը:

tert.am