Բացառվում է, որ կոռուպցիոն շղթան ինձ հասնի. Քերոբյան
Հիշեցնեմ, որ վերջին անգամ Էկոնոմիկայի նախարարությունում նման դեպք եղել է 3 տարի առաջ, և 3 տարի անց կային մարդիկ, ովքեր ձերբակալված էին, բերման էին ենթարկվել, նրանց նկատմամբ մինչ օրս չկա դատական վճիռ, չնայած էլի նույն կերպ աղմկահարույց էր:
Այս մասին այսօր Կառավարության դիմաց ճեպազրույցի ժամանակ ասել է Էկոնոմիկայի նախարար Վահան Քերաբյանը՝ պատասխանելով երեկ Էկոնոմիկայի նախարարության շուրջ ստեղծված աղմկահարույց դեպքին վերաբերվող հարցերին:
«Եթե ուշադիր կարդաք ՔԿ հայտարարությունը այնտեղ, ըստ էության, առաջին դրվագը վերաբերվում է Էկոնոմիկայի նախարարության տեղակալ Անի Իսպիրյանին, այդտեղ 2 կարևոր արտահայտություն բացակայում է՝ դա կաշառք բառն է, կամ որևէ այլ կերպով շահագրգռված լինելը»,- ասել է նա:
Նրա խոսքին անդրադարձան լրագրողները՝ ասելով, որ կար հափշտակություն բառը, որի ի պատասխան նախարարը հերքեց և ասաց, որ չկա հափշտակություն բառը:
Իր խոսքը շարունակելով Քերոբյանն ասաց.
«Առաջին դրվագով նաև չկա բյուջեի փողերի ծախս: Այսինքն` այդ դրվագով, ոչ բյուջեի միջոցներ են ծախսվել, որ գնանք հասկանանք՝ ոնց է ծախսվել, և չկա որևէ կերպ մոտիվացված լինելու հանգամանք:
Այստեղ լրացուցիչ պարզաբանման կարիք է զգացվում, թե ինչ է նշանակում չարաշահում: Մենք ավելի քան վստահ ենք, այդ տենդերային գործընթացը անընդհատ եղել է իրավաբանների և մյուս գործընկերների, այդ թվում ֆինանսների նախարարության հսկողության տակ:
Ես ավելի քան վստահ եմ, որ դատարանը կպարզի, որ գնումների մասին և դրա հետ փոխկապակցված օրենքների հետ որևէ խախտում չի լինի:
Պետք է սպասենք, որ Քննչական կոմիտեի գործընկերները ասեն, թե ինչ են հասկանում չարաշահում ասելով»,- ասել է նա:
Նա նշեց, որ բոլոր ծրագրերի մասին զեկուցվում են իրեն և նա խստիվ հանձնարարել է մնալ օրենքի շրջանակներում:
Լրագրողներից մեկի հարցին, թե հնարավոր է կոռուպցիոն շղթան իրեն հասնի, նախարարը պատասխանեց.
«Բացառվում է»:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...