Իտալիայում կկառուցվի աշխարհի ամենաերկար կախովի կամուրջը
Իտալիայում կկառուցվի աշխարհի ամենաերկար կախովի կամուրջը։ Այն կկառուցվի Սիցիլիա կղզու եւ երկրի մայրցամաքային հատվածի միջեւ, տեղեկացրել է Bloomberg-ը։
Կամրջի նախագիծը մտահղացել էին դեռ հին հռոմեացիները, այն քանիցս քննարկել է Իտալիայի ժամանակակից կառավարությունը։ Ըստ պլանների՝ կառույցի երկարությունը կազմելու է 3,2 կիլոմետր։ Հինգշաբթի՝ մարտի 16-ին, Իտալիայի իշխանությունները հավանություն են տվել հրամանագրին, որը թույլ է տալիս վերսկսել նախագծի մշակումը։ Միաթռիչք կամրջի շինարարությունը պետք է սկսվի 2024թ.։
Նախկինում նախագծի իրականացմանը խանգարել են ֆինանսական եւ երկրաբանական խնդիրները։ Տասը տարի առաջ այդ պահին վարչապետի պաշտոնն զբաղեցնող Մարիո Մոնտին այն փակել էր մեծ ծախսերի եւ ինժեներական դժվարությունների պատճառով։ Նախագծի նախորդ տարբերակները ենթադրում էին, որ կամուրջը կլինի Վիլյա Սան Ջովանիի (Կալաբրիի շրջանի հարավ) եւ սիցիլիական Մեսինա քաղաքի միջեւ (մի փոքր ավելի հյուսիս)։
Ենթակառուցվածքի նախարար Մաթեո Սալվինին հայտարարել է, որ կամուրջը կօգնի կրճատել ածխաթթու գազի արտանետումների ծավալը։ Բացի այդ, կառույցը նեղուցով ճանփորդությունն ավելի արագ եւ էժան կդարձնի եւ կգրավի զբոսաշրջիկներին։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
Իսրայելը մերժում է Գազայի վերաբերյալ Թրամփի 15 կետանոց ծրագիրը
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Գազամատակարարման ընդհատումներ Մասիս քաղաքի մի շարք հասցեներում
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...