Չի կարելի պետությունը մուրացկան դարձնել. մուրացկաններին ինչ-որ բան տալիս են խղճահարությունից դրդված. Ռոբերտ Քոչարյան (տեսանյութ)
Գտնվում ենք խորն անվտանգային ճգնաժամի մեջ, երբ իշխանությունն ի վիճակի չէ պաշտպանել երկրի տարածքայի ամբողջականությունը։ Վերջին իրավիճակը ցույց տվեց, որ չեն կարողանում նաև ներգրավվել մեր գործընկերներին՝ պայմանագրերով սահմանված պարտավորությունները կատարելու համար։ Այս մասին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանը։
«Իշխանությունը տարվել է ուտոպիստական «խաղաղության դարաշրջան» բացելու թեզով և այդ թեզի ներքո ուղղակի անտեսել է անվտանգության բազմաթիվ հարցեր, ինչը հերթական ձախողումն է՝ ընտրած կուրսի։ Բաքվի և Անկարայի դերը վերջին իրադարձությունների դեպքով շեշտակի աճել է, լծակներն ազդելու՝ Թուրքիայի և Ադրբեջանի վրա՝ նվազել է և այս իրավիճակում անտեսել անվտանգային հարցերը՝ սեփական ուժերի շրջանակներում՝ հանցավոր անգործություն է»,- նշեց Ռոբերտ Քոչարյանը՝ արձանագրելով, որ վարչապետի ելույթը ՄԱԿ-ում՝ խաղաղության դարաշրջանի հոգեհանգստի ելույթ էր, իր բովանդակությամբ այն նշանակում էր, որ նման սապսելիքներ չկան և դրանից հետո խոսել նույն բառապաշարով այստեղ՝ ներսում՝ անիմաստ է. «Հոգեհանգստի ժամանակ հանգուցյալին ոչ ոք առողջություն չի ցանկանում։ Այդ էջը պետք է փակել և բացել նոր էջ՝ այլ հիմքերի վրա հենված»։
Նրա խոսքով՝ վերջին իրադարձությունները ցույց են տվել, որ վիճակը Հայաստանում պայթյունավտանգ է, մի կողմից կա պարտադրանք՝ որոշում կայացնելու, մյուս կողմից՝ կա վտանգ, որ այդ որոշումը կարող է ներսից պայթեցնել իրավիճակը Հայաստանում և, գուցե, սա է այն գործոնը, որը կիսակախ վիճակում է թողել սպասվելիք որոշումները։
«Սա շատ օրինաչափ հետևանք է այն քաղաքականության, որ տարվել է Հայատսանում՝ 2018թ-ից և հատկապես 44-օրյա պատերազմում պարտվելուց հետո։ Մեր դերակատարությունը տարածաշրջանում շեշտակի նվազել է, եթե լինենք ավելի կոպիտ՝ մենք ինքներս այն հասցրել ենք «պլինտուսի» մակարդակի։ Մենք բանակցությունների սեղանի վրա ենք, ոչ թե՝ այդ սեղանի շուրջ։ Թույլերի, դողդողացողների ոչ ոք չի սիրում, ոչ ոք այդ կատեգորիայի մարդկանց հետ ընկերություն չի անում, նույնը՝ միջազգային հարաբերություններում է։ Մուրացկաններին ինչ-որ բան տալիս են՝ խղճահարության պատճառով, այլ ոչ թե՝ հարգանքի։ Չի կարելի պետությունը մուրացկան սարքել »,- նշեց նա։
Նա հիշեցրեց, որ հիմա մտքեր են հնչեցվում «միավորվենք ծանր որոշում կայացենլու համար», ապա ընդգծեց՝ կոնսոլիդացիան իրականացնում են ժողովրդին հաղթանակի մղելու համար, կապիտուլյացիայի համար կոնսոլիդացիայի կարիք չկա, կապիտուլյացիայի համար պետք է հակառակը՝ դեկոնսոլիդացիա։
«Հասկանո՞ւմ եք, այս պարզ ճշմարտություններն իրար խառնելը, չեմ հասկանում դա չգիտակցելով է արվում, թե նպատակադրված»,- նշեց Ռոբերտ Քոչարյանը՝ կապիտուլյացիան առաջացնում է անզորության զգացում, սա է միգուցե պետք այսօր այն մարդկանց, ովքեր կոչ են անում կոնսոլիդացվել կապիտուլյացիայի համար։
«Հնչում է թեզ՝ միավորվենք իշխանության շուրջ․ ավելի խորը պարզաբանեմ․ խնդիրը լուծելու համար, նախ այն պետք է ախտորոշես, և չեզոքացնես։ Հիմա մեզ ասում են՝ միավորվել պրոբլեմի շուրջ։ Մեր նպատակը ո՞րն է, փրկել Հայաստանը՞, թե՞ փրկել Հայաստանի պրոբլեմը։ Եվ սա բացարձակ ճշմարտություն է ոչ միայն բժշկության մեջ, կա ուռուցք՝ հեռացնել։ Կոնսոլիդացիա պետք է լինի ժողովրդից կամք պահանջող նպատակների համար։ Իշխանափոխությունն իմպերատիվ պահանջ է»,–ասաց Ռոբերտ Քոչարյանը։
Վահագն Ալեքսանյանն ընտրվեց Ազգային ժողովի նախագահի տեղակալ
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Տուլայում ԱԹՍ հարվածի հետևանքով Wildberries-ի պահեստ է հրդեհվել
Հուլիսը եղել է BYD-ի ամենահաջող ամիսը
ԲՏԱ նոր փոխնախարարը սովորել է Նիդերլանդներում
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
Որքան է կազմում ՀՀ մշտական բնակչությունը
Վարչապետ Փաշինյանը երկօրյա աշխատանքային այցով մեկնել է Ղրղզստան
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Չուամենին և Կամավինգան գերադասում են մնալ Մադրիդում