Թուրքիայում հայտնաբերվել է կապկի ծաղիկով վարակման առաջին դեպքը
Թուրքիայի առողջապահության նախարար Ֆահրեթթին Կոջան հինգշաբթի տեղեկացրել է, որ Թուրքիայում գրանցվել է կապկի ծաղիկով վարակման առաջին դեպքը, հաղորդել է Daily Sabah-ը։
Կոջան Թվիթերում գրել է, որ հիվանդը 37-ամյա մի տղամարդ է, որը նաեւ իմունային անբավարարություն ունի եւ ներկայում մեկուսացման մեջ է։
«Կատարվել է նրա շփումների ստուգման աշխատանք, այլ դեպքեր չեն հայտնաբերվել»,- ասել է Կոջան՝ հաստատելով, որ հիվանդությունը տարածվում է «սերտ ֆզիկական շփման» հետեւանքով։
Ավելի վաղ Առողջապահության համաշխարհային կազմակերպությունը զգոնության կոչ էր արել, որպեսզի կապկի ծաղիկը չտարածվի բնակչության ավելի խոցելի շերտերի, մասնավորապես՝ երեխաների շրջանում։ Վիրուսի դեմ պայքարը պահանջում է «ինտենսիվ» ջանքեր, ասել է ԱՀԿ-ն՝ կոչ անելով տվյալներ հավաքել եւ փոխանակել այն մասին, թե որքանով են արդյունավետ գործում պատվաստանյութերը վիրուսի դեմ։
Հունիսի 22-ի դրությամբ ԱՀԿ-ն ստացել է տեղեկություններ կապկի ծաղիկով 50 երկրներում հիվանդացության 3 413 լաբորատոր հաստատված դեպքերի եւ մեկ մահվան ելքով դեպքի մասին։
ԱՀԿ-ի տվյալներով՝ դեպքերի ճնշող մեծամասնությունը նկատվել է նույնասեռական երիտասարդ տղամարդկանց շրջանում, գերազանցապես քաղաքներում, «խմբավորված սոցիալական ե սեռական ցանցերում»։
Վահագն Ալեքսանյանն ընտրվեց Ազգային ժողովի նախագահի տեղակալ
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Հուլիսը եղել է BYD-ի ամենահաջող ամիսը
ԲՏԱ նոր փոխնախարարը սովորել է Նիդերլանդներում
Վարչապետ Փաշինյանը երկօրյա աշխատանքային այցով մեկնել է Ղրղզստան
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Որքան է կազմում ՀՀ մշտական բնակչությունը
Կասեցվել է «Օստ»-ի երկու արտադրատեսակների արտադրությունը
Ջրափրկարարները 5-ամյա երեխային անվտանգ դուրս են բերել ափ