Երազիս հիվանդանոցից տուն էի գնացել, Արտյոմս ուրախ Արեն էր ասում. ծնվել է զոհված զինծառայողի եղբայրը
Երազիս հիվանդանոցից տուն էի գնացել, Արտյոմս տանն էր, գրկել էր ինձ ու Արեն-Արեն էր ասում: Այս մասին այսօր NEWS.am-ի հետ զրույցում ասաց 44-օրյա պատերազմում զոհված Արտյոմ Վարդանյանի մայի՝ Սիրան Վարդանյանը, ով կրկին որդի է ունեցել:
«Մի անսպասելի զգացողություն էր, երբ իմացա բալիկի եմ սպասում: Երեխաներս ևս ուրախացել էին, հուզվել էին, փաթաթվել էին ինձ»,- ասաց Սիրան Վարդանյանը:
Տիկին Սիրանի բնորոշմամբ՝ իր որդին՝ Արտյոմը, խիստ բնավորություն ուներ, եթե իմանար, որ եղբայր է ունենալու շատ կուրախանար:
«Ճիշտ է, ոչ ոք Արտյոմ չի կարող լինել, բայց բոլոր երեխաներս էլ իմն են, բայց Արտյոմիս ուրիշ ձև էի սիրում: Արտյոմիս հետ մենք շատ էինք կապված, իրար հետ խորհրդակցում էինք, իրար հետ կիսվում»,- ասաց նա:
«Սուրբ Գրիգոր Լուսավորիչ» ԲԿ-ի ծննդատան վարիչ Արսեն Սարգսյանն էլ ասաց, որ մայրը բնական ճանապարհով է հղիացել:
«Ծննդաբերել է կեսարյան հատումով, բայց վիրահատությունը առանց բարդությունների է անցել: Առողջ բալիկ է, և՛ մոր, և՛ որդու վիճակը լավ է»,- եզրափակեց Արսեն Սարգսյանը:
Վահագն Ալեքսանյանն ընտրվեց Ազգային ժողովի նախագահի տեղակալ
Հուլիսը եղել է BYD-ի ամենահաջող ամիսը
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
ԲՏԱ նոր փոխնախարարը սովորել է Նիդերլանդներում
Վարչապետ Փաշինյանը երկօրյա աշխատանքային այցով մեկնել է Ղրղզստան
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
Սաակաշվիլիի կուսակցությունը վերափոխման է ենթարկվում
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
Որքան է կազմում ՀՀ մշտական բնակչությունը
Չուամենին և Կամավինգան գերադասում են մնալ Մադրիդում