Ռուսաստանի հետ խաղաղության պայմանագիրը երկու առանձին փաստաթղթերից կարող է բաղկացած լինել․ Զելենսկի
Ռուսաստանի հետ խաղաղության պայմանագիրը երկու առանձին փաստաթղթերից կարող է բաղկացած լինել։ Այսպիսի կարծիք է հայտնել Ուկրաինայի նախագահ Վլադիմիր Զելենսկին ուկրաինական առցանց լրատվամիջոցներին տված հարցազրույցում։
Նրա խոսքով՝ Ռուսաստանի հետ խաղաղության պայմանագիրը կարող է բաղկացած
լինել երկու փաստաթղթից՝ մեկը պետք է վերաբերի Ուկրաինայի անվտանգության
երաշխիքներին, իսկ մյուսը՝ ուղղակիորեն Ռուսաստանի Դաշնության հետ նրա հարաբերություններին։
«Կարծում եմ, որ դա կարող է լինել երկու տարբեր փաստաթուղթ: Անվտանգության երաշխիքներ նրանցից, ովքեր պատրաստ են այդ անվտանգության երաշխիքներին։ Եվ առանձին փաստաթուղթ Ռուսաստանի հետ»,- պարզաբանել է Զելենսկին, հաղորդում է ՈՒՆԻԱՆ-ը։
Նա նշել է, որ Մոսկվան կցանկանար ունենալ մի պայմանագիր, որը կպարունակեր բոլոր հարցերի լուծումը։ «Սակայն բոլորն իրենց այնքան էլ չեն տեսնում Ռուսաստանի Դաշնության հետ սեղանի շուրջ։ Նրանց համար Ուկրաինայի անվտանգության երաշխիքները մի հարց է, իսկ Ռուսաստանի Դաշնության հետ պայմանավորվածությունները՝ այլ հարց»,- ասել է նա։
Զելենսկին նշել է, որ Ուկրաինայի անվտանգության երաշխավորներ պատրաստ են
դառնալ Մեծ Բրիտանիան, ԱՄՆ-ը, Իտալիան եւ Թուրքիան, սակայն դեռեւս ոչ մեկից վերջնական պատասխան չկա։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...