Դանիան ուկրաինական ճգնաժամի պատճառով այս տարի տնտեսական աճի նվազում է կանխատեսում
Ուկրաինական ճգնաժամը կհանգեցնի ինֆլյացիայի աճի եւ այս տարի 0,6-2,8 տոկոսային կետով կարող է կրճատել Դանիայի ակնկալվող տնտեսական աճը, հայտարարել է ֆինանսների նախարարությունը, հաղորդում է Reuters-ը։
Դանիայի տնտեսությունը համավարակից հետո այս տարի պետք է արագ վերականգնվեր, բայց ուկրաինական ճգնաժամի շուրջ անորոշությունն իր ազդեցությունն է թողնում:
«Ռուսաստանի հետ Դանիայի ուղիղ առեւտուրը սահմանափակ է։ Սակայն դանիական տնտեսության վրա անուղղակիորեն ազդում են նաեւ այնպիսի երկրներ, ինչպիսիք են Գերմանիան եւ Ֆինլանդիան, որոնք Ռուսաստանի հետ ավելի շատ առեւտուր են անում»,- ասվում է նախարարության հաղորդագրության մեջ։
Դանիայի էկոնոմիկայի նախարարությունը այս տարի մեղմ սցենարով 2,2 տոկոս աճ է կանխատեսում, միջին սցենարով՝ 1,6 տոկոս եւ ամենաբարդ սցենարի դեպքում՝ 0,0 տոկոս՝ ընդգծելով, որ կանխատեսումները դեռեւս անորոշ են։
Դեկտեմբերին նախարարությունն այս տարվա համար կանխատեսել էր 2,8 տոկոս տնտեսական աճ։
Սպասվում է, որ միջին սցենարով ինֆլյացիան կաճի մինչեւ 4,5 տոկոս՝ դեկտեմբերյան կանխատեսման 2,2 տոկոսի համեմատ։
Անցյալ շաբաթ Դանիայի կենտրոնական բանկը հայտարարել էր, որ այս տարի տնտեսության 2,1 տոկոս աճ է ակնկալում՝ ավելի վաղ կանխատեսված 3,1 տոկոս աճի համեմատ:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...