Ցուցադրվել են iPhone 14-ի դիզայնի գծագրերը

Ինսայդերները ցուցադրել են iPhone 14 շարքի ապագա նմուշների գծագրերը։ Այս մասին տեղեկացրել է MySmartPrice պարբերականը։

Լրագրողնեը նշել են, որ տեղեկացված աղբյուրներից ստացել են iPhone 14-ի եւ 14 Max-ի «առավել ճշգրիտ» գծագրերը։ Ցուցադրված սխեմաները վկայում են, որ սարքերի դիզայնն էապես չի փոխվի iPhone 13-ի համեմատ։ Հեռախոսները կունենան հարթ շրջանակներ, առջեւի վահանակ, որի սենսորների տակ կլինի Face ID-ն, դիմացի տեսախցիկ եւ երկու հիմնական խցիկ։ Այս տվյալները ցույց են տալիս, որ iPhone 14-ը ունենալու է 6,1 մատնաչափ դիսփլեյ, 14 Max-ը՝ 6,7 մատնաչափ տրամագծով էկրան։

«Ինչպես մենք նշել էինք, iPhone 14-ը առջեւից հիշեցնելու է iPhone 13-ը»,- ասել են հեղինակները։ Մասնագետների խոսքով՝ նոր մոդելը աննշան կտարբերվի ակտուալ տարբերակից միայն կորպուսի ավելի հաստ ապակե շրջանակով։

Լրագրողները նշել են, որ ներկայում Apple-ը մտադիր է թարմացնել միայն թանկարժեք սմարթֆոնների դիզայնը։ «Մենք ծանոթ ենք այդ ռազմավարությանը՝ հաշվի առնելով այն, որ վերջին iPhone SE-ն նախկինի պես ունի 2017թ. թողարկված iPhone 8-ի նման դիզայն»,- ասել են հեղինակները։