ԱՄՆ-ի Սենատը կոչ է արել հետաքննել Ուկրաինայում Ռուսաստանի ենթադրվող ռազմական հանցագործությունները
ԱՄՆ-ի Սենատը միաձայն բանաձեւ է ընդունել, որում կոչ է արվել հետաքննել ենթադրյալ ռազմական հանցագործությունները, որոնք կատարել են Ռուսաստանի կառավարությունն ու անձամբ նախագահ Վլադիմիր Պուտինը, տեղեկացրել է «Голос Америки»-ն։
Փաստաթղթում, որը Վերին պալատի քննարկմանն է ներկայացրել հանրապետական սենատոր Լինդսի Գրեմը, վճռականորեն «դատապարտվում են բռնությունը, ռազմական հանցագործությունները եւ մարդկության դեմ հանցագործությունները», որոնք, ինչպես ենթադրվում է, կատարվում են Ուկրաինայում Ռուսաստանի Զինված ուժերի կողմից՝ Պուտինի ղեկավարությամբ։
Բանաձեւում կոչ է արվել Միջազգային քրեական դատարանին՝ հետաքննել Պուտինի, նրա Անվտանգության խորհրդի անդամների, ինչպես նաեւ Ռուսաստանի Զինված ուժերի հրամանատարության գործունեությունը ռազմական հանցագործությունների կատարման առումով։
«Այդ չարագործությունները պետք է հետաքննվեն՝ պարզելու համար ռազմական հանցագործությունները»,- ասել է Սենատում դեմոկրատական մեծամասնության առաջնորդ Չաք Շումերը՝ խոսելով Ուկրաինայում ռուսաստանցի զինվորականների գործողությունների մասին։
Բանաձեւն օրենքի ուժ չունի, բայց ցուցադրում է օրենսդիրների ընդհանուր տրամադրվածությունը։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...