Թուրքիան Ռուսաստանի և Ուկրաինայի հետ քննարկում է Կիևից իր երկու ինքնաթիռի վերադարձի հարցը
Թուրքիայի պաշտպանության նախարարությունը բանակցություններ է վարում Ռուսաստանի և Ուկրաինայի հետ Բորիսպոլ օդանավակայանից իր երկու ինքնաթիռների վերադարձի շուրջ, որոնք այնտեղ են գտնվում փետրվարի 24-ից։ Այս մասին շաբաթ օրը հայտնել է Թուրքիայի ազգային պաշտպանության նախարար Հուլուսի Աքարը։
«Փետրվարի 24-ի երեկոյան մենք մեր A400M ինքնաթիռներից երկուսով մարդասիրական օգնություն ուղարկեցինք: Միևնույն ժամանակ, նախատեսում էինք այնտեղից տարհանել մեր քաղաքացիներին: Մեր երկու ինքնաթիռներն այժմ սպասում են Բորիսպոլի օդանավակայանում օդային տարածքի փակման պատճառով: Մենք շարունակում ենք մեր շփումները թե՛ Ռուսաստանի, թե՛ Ուկրաինայի հետ այս հարցով, որպեսզի ապահովենք մեր ինքնաթիռների առավելագույն անվտանգությունը», - մեջբերում է նրա խոսքերը Habertürk-ը:
Աքարը հիշեցրել է, որ բանակցություններ է վարել ռուս և ուկրաինացի գործընկերներ Սերգեյ Շոյգուի և Ալեքսեյ Ռեզնիկովի հետ։ «Մենք բանակցություններ ենք ունեցել, դրանք կշարունակենք, հույս ունենք, որ դրական զարգացումներ կլինեն»,- ասել է Թուրքիայի պաշտպանության նախարարը։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...