Կադիրովը՝ Զելենսկուն․ Կլոունադայի ժամանակը մոտենում է ավարտին
Չեչնիայի ղեկավար Ռամզան Կադիրովը դիմել է Ուկրաինայի բնակիչներին եւ նախագահ Վլադիմիր Զելենսկուն, փոխանցում է «ՌԻԱ Նովոստի» - ն։
«Պարո՜ն Զելենսկի, կլոունադայի ժամանակը մոտենում է ավարտին։ Եկել է սեփական ժողովրդի առջեւ պարտքի կատարման ժամը՝ անդառնալի հետեւանքներից խուսափելու համար», - գրել է նա՝ նշելով, որ այսօր «առավել քան երբեւէ» անհրաժեշտ է կատարել Մինսկի համաձայնությունները։
Չեչնիայի ղեկավարը նաեւ հիշեցրել է, որ ո՜չ Ռուսաստանի նախագահ Վլադիմիր Պուտինը, ո՜չ ռուսաստանցիները չեն ցանկանում հակամարտության էսկալացիա:
«Դուք, որպես ձեր ժողովրդի և պետության Սահմանադրության եւ անվտանգության երաշխավոր, պարզապես պարտավոր եք անել ձեզնից կախված ամեն ինչ … խաղաղության հաստատման համար», - հավելել Է նա։
Ուկրաինայի բնակիչներին ուղղված ուղերձում Կադիրովն իր հերթին նշել է, որ սիրում է այդ երկիրը։
«ԽՍՀՄ պատմության այն կուրսից, որ ես լսել եմ դպրոցում, ես գիտեմ, որ ռուսական պետականության և Ուղղափառության բնօրրանը Կիեւյան Ռուսիան է։ Ռուսներն ու ուկրաինացիները մեկ սլավոնական ժողովուրդ են՝ ընդհանուր պատմությամբ, մշակույթով եւ կրոնով։ Ես երբեք չեմ հավատա, որ ուկրաինացիներն իրենց համարում են այսպես կոչված «արեւմտյան աշխարհի» մաս՝ իր բոլոր այլասերված «արժեքներով» եւ ռուսատյաց հիստերիայով», - ընդգծել է Ռուսաստանի տարածաշրջանի ղեկավարը։
Կադիրովը հույս է հայտնել, որ ուկրաինացիները կվերականգնեն պատմական արդարությունն առանց «դրսից որեւէ մեկի օգնության»:
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...