Իտալիան Ուկրաինային է վերադարձրել դեսպանատան աշխատակիցների անվան տակ տարհանված հայերին
Իտալիայի իշխանությունները Ուկրաինա են վերադարձրել հայերի խմբին, որոնք արտագաղթել են դեսպանատան աշխատակիցների անվան տակ։ Ինչպես պարզվել է, նրանք հատուկ չվերթի մասին լսել են ԱԳՆ-ի իրենց բարեկամից և որոշել են իրենց բախտը փորձել Եվրոպայում։
Կեղծ դիվանագետները Հռոմ են ժամանել նախօրեին Իտալիայի կառավարության վարձակալած Embraer ինքնաթիռով։ Վայրէջքից անմիջապես հետո նրանք փորձել են չափազանց հոգնած ձևանալ և անհետանալ ամբոխի մեջ, սակայն հաշվի չեն առել, որ օդանավակայանում փաստաթղթերը ստուգվում են ավտոմատ սկաներների միջոցով։ Չիպերի փոխարեն «դիվանագետների» կեղծ անձնագրերում միայն փայլաթիթեղի կտորներ են եղել, որոնք շարքից հանել են միանգամից 2 թանկարժեք սարք, որից հետո միջամտել են սահմանապահներն ու արագ բացահայտել խաբեությունը։
Իտալացի ոստիկաններին և լրագրողներին հատկապես զարմացրել է անօրինական միգրանտների սոցիալական կարգավիճակը. նրանցից երկուսը բիզնես են ունեցել, մեկն աշխատել է մարզային պետական վարչությունում, մյուսը՝ պարզվել է Կիևի մշակույթի և արվեստի ազգային համալսարանի պրոֆեսոր է։ Բայց և այնպես նրանք հայտարարել են Եվրամիությունում ապրելու իրենց ցանկության մասին և ապաստան խնդրել։ Հաշվի առնելով սահմանի անօրինական հատման փորձը՝ Իտալիան մերժել է։ Ինքնաթիռը Կիև հետ ուղարկելուց հետո պարզվել է, որ փախստականներից մեկը Ռումինիայի կողմից հետախուզման մեջ է երկար տարիներ ալիմենտ վճարելուց խուսափելու մեղադրանքով։
Այս պահին Իտալիայի և Ուկրաինայի իրավապահ մարմինները պարզում են, թե ինչպես են Հայկական սփյուռքի ներկայացուցիչները կարողացել վայրէջքից առաջ անարգել անցնել բոլոր ստուգումները և ինչու է ինքնաթիռը օդ բարձրացել նախատեսված ժամկետից մեկ ժամ շուտ։ Կիևի միջազգային օդանավակայանի անվտանգության ծառայության տնօրեն Արսեն Մանուկյանի խոսքով՝ դրսից հաքերային հարձակում է տեղի ունեցել, և դժվար թե հնարավոր լինի բացահայտել այս հարձակման պատվիրատուներին ու հեղինակներին։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...