Ռուսաստանն Ուկրաինայի կողմից Ղրիմը ռազմական ճանապարհով վերադարձնելու փորձեր թույլ չի տա
Ռուսաստանն Ուկրաինայի կողմից Ղրիմը ռազմական ճանապարհով վերադարձնելու փորձեր թույլ չի տա, հայտարարել է ՌԴ նախագահ Վլադիմիր Պուտինը, փոխանցում է «ՌԻԱ Նովոստի»-ն:
«Ինչո՞ւ է Ուկրաինայի հնարավոր ընդունումը (ՆԱՏՕ-խմբ.) այդքան վտանգավոր։ Չէ որ խնդիր կա՝ եվրոպական երկրները, այդ թվում՝ Ֆրանսիան, կարծում են, որ Ղրիմը, օրինակ, Ուկրաինա է, մինչդեռ մենք կարծում ենք, որ այն Ռուսաստանի Դաշնության կազմում է։ Իսկ եթե ռազմական ճանապարհով փորձեր արվեն փոխել այս իրավիճակը, իսկ Ուկրաինայի դոկտրինալ փաստաթղթերում ասվում է, որ ա) Ռուսաստանը հակառակորդ է, բ) հնարավոր է Ղրիմը վերադարձնել ռազմական ճանապարհով։ Պատկերացրեք, որ Ուկրաինան ՆԱՏՕ-ի անդամ է, հինգերորդ հոդվածը չեղյալ չի հայտարարվել, ընդհակառակը, պարոն Բայդենը վերջերս ասաց, որ հինգերորդ հոդվածը բացարձակ հրամայական է եւ կյանքի կկոչվի։ Ուրեմն Ռուսաստանի եւ ՆԱՏՕ-ի միջեւ ռազմական առճակատում է կլինի... ի՞նչ է, կռվե՞նք ՆԱՏՕ-ի հետ»,- ասել է Պուտինը Ֆրանսիայի նախագահ Էմանուել Մակրոնի հետ բանակցություններից հետո կայացած մամուլի ասուլիսին:
Ռուսաստանի նախագահը հավելել է, որ կա նաեւ հարցի երկրորդ մասը. «Իսկ դուք ուզու՞մ եք կռվել Ռուսաստանի հետ... Բայց այդպես էլ կլինի»,- ասել է Պուտինը։
Ջրափրկարարները քաղաքացուն անվնաս դուրս են բերել ափ
Հորմուզի նեղուցը չի վերաբացվի, քանի դեռ Վաշինգտոնը չի կատարել Թեհրանի պահանջները
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ
Գազամատակարարման ընդհատումներ Մասիս քաղաքի մի շարք հասցեներում
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը մերժում է Գազայի վերաբերյալ Թրամփի 15 կետանոց ծրագիրը
Հայ շախմատիստները առաջատարների շարքում են
ՀՀ ԶՈՒ հակաօդային պաշտպանության զորքերի զինծառայողների պարապմունքները «Կարիճ» և «Լուսան» զենիթային հ...