Բյուջեն ունի միջոցներ թեստավորումն ապահովելու համար, եւ թող ոչ մեկը չփորձի մանիպուլացնել հանրությանը․ Վարդեւանյան
«ՊՇՌ հետազոտությունն աշխատողն իրականացնում է իր հաշվին» նախադասությունն այլեւս գոյություն չունի իրավական իմաստով։ Այս մասին այսօր՝ դեկտեմբերի 23-ին, ֆեյսբուքյան ուղիղ եթերում հայտարարեց «Հայաստան» խմբակցության պատգամավոր Արամ Վարդեւանյանը։
«Սահմանադրական դատարանը եզրափակիչ մասում ընդգծել է այն առանցքային հանգամանքը, որի մասին խոսում էինք։ Մենք ասում էինք, որ մարդկանց վրա պետության պարտականությունը չպետք է դրվի։ Մարդիկ իրենց հաշվին չպետք է կրեն կորոնավիրուսի թեստվորման ծախսերի բեռը։ Պետությունն է այս ամբողջ գործընթացի պատասխանատուն, պետությունը ծախսային բեռը չպետք է չթողնի մարդու վրա։ Հատկապես, երբ մենք ունենք սոցիալ-տնտեսական ծանր բեռ։ Այսպիսով՝ «ՊՇՌ հետազոտությունն աշխատողն իրականացնում է իր հաշվին» նախադասությունն այլեւս գոյություն չունի իրավական իմաստով։ Երբ անձն իր սուղ միջոցների հաշվին պետք է կատարի այդ հետազոտումների փոխատուցումն, այլեւս հակասահմանդրական է»,- ասաց Վարդեւանյանը։
Անդրադառանալով Առողջապահության նախարարության տարածած հայտարարությանը, ըստ որի պետությունն անվճար պայմաններով չի երաշխավորում ՊՇՌ հետազոտությունը, բայց աշխատողներն ամեն դեպքում պետք է թեստավորվեն, Վարդեւանյանը նշեց, որ պետք է ըմբռնումով մոտենալ, սակայն պահանջել քաղաքական պատասխանատվություն։
«Ի՞նչ է պետք անել այն հարյուրհազարավոր մարդկանց դեպքում, որոնք նման միջոցներ այս ժամանակահատվածում հակասահմանադրական նման ձեւակերպմամբ նման միջոցներ ՊՇՌ հետազոտությունների կենտրոններին։ Ես գիտեմ մարդկանց, որոնք այդ ծախսի պատճառով լրջագույն ֆինանսական դժվարություններ է ունեցել։ Հիմա Առողջապահության նախարարությունն ինչպե՞ս է նայելու այդ մարդկանց աչքերին։ Ի վերջո, Հայաստանում պետք է ձեւավորվի քաղաքական պատասխանատվության ինստիտուտը։ Եթե առողջապահության նախարարը կամ կառավարության անդամը չի կարողանում ընկալել, որ Սահմանադրությունում նշված է, որ ոչ ոք չի կարող կրել պարտականություններ, որոնք սահմանված չեն օրենքով, մեղմ ասած դրա համար պետք է լինի քաղաքական պատասխանատվություն»,- նշեց նա։
Վարդեւանյանի խոսքով՝ այս դեպքում հարց է առաջանում, թե ում վրա պետք է դրվի քաղաքացու թեստավորման համար վճարելու պարտավորությունը։
«Իմ կարծիքը միանշանակ է՝ այդ պարտականությունը պետք է դրվի Հայաստանի Հանրապետության պետական բյուջեի միջոցների վրա։ Պետական բյուջեն ունի բավարար միջոցներ, եւ թող ոչ մեկը չփորձի մանիպուլացնելով հանրությանը ներկայացնել։ Հետեւաբար՝ այս պարտականությունը այլ հասցեատիրոջ վրա դնելն ուղղակի աբսուրդային իրավիճակ է առաջացնում»,- ընդգծեց Արամ Վարդեւանյանը։
Վարդեւանյանն ավելացրեց, որ երեքօրյա ժամկետում, երբ կհրապարակվի Սահմանադրական դատարանի որոշումը, ավելի մանրամասն կանդրադառնա թեմային։
Կասեցվել է «Ծիրան» սուպերմարկետում գործող հացի արտադրամասի գործունեությունը՝ սանիտարական խախտումների...
Հուլիսը եղել է BYD-ի ամենահաջող ամիսը
ԵԱՏՄ-ի արտոնյալ առևտրային գործընկերների թիվը կավելանա․ անդամ երկրներն առանցքային փաստաթղթեր են ստորա...
ԲՏԱ նոր փոխնախարարը սովորել է Նիդերլանդներում
«ՑԱՅԳ» հեռուստաընկերությունն իրականացնում է «Շիրակցու խոսք» ծրագիրը
«Նաիրի» կինոթատրոնը կներկայացնի իր վերանորոգված մուտքը. սպասվում է տոնական միջոցառում
Սաակաշվիլիի կուսակցությունը վերափոխման է ենթարկվում
Վարչապետ Փաշինյանը երկօրյա աշխատանքային այցով մեկնել է Ղրղզստան
Որքան է կազմում ՀՀ մշտական բնակչությունը
ՆԳՆ քրեական ոստիկանները թմրամիջոցի իրացման դեպք են բացահայտել․ առգրավվել է մարիխուանայով 72 փաթեթ